Ribes rubrum

Ribes rubrum est frutex hortensis baccas edules ferens. Ad familiam Grossulariacearum pertinet. Binomen a Carolo Linnaeo anno 1753 statutum est.

Ribis rubri ramus cum baccis

---

Plantae — Angiospermae

Eudicotyledones 
Eudicotyledones nucleares 
Ordo : Saxifragales 
Familia : Grossulariaceae 
Genus : Ribes 
Species : Ribes rubrum 
L., 1753

   

Habitat

Ribes rubrum spontaneum per silvas Eurasiae totius gignitur; ad margines silvarum, in ripis rivorum et fluviorum fruticeta formans crescit. In hortis passim colitur.

Descriptio

"Ribes", i.e. Ribes rubrum, a Guilielmo Turnero depictum (Turner (1568) p. 62)

Frutex metrum vel duo metra altitudinis est. Caules ribis rubri cinerescentes vel ravi sunt, folia triloba vel quinqueloba sunt, cum marginibus crenulatis et paginis inferioribus pallidioribus, interdum pubescentibus. Flores inconspicui, chlori vel fusci, in racemos collecti sunt. Maio mense ribes floret. Fructus baccae sunt rubrae, ad 12 mm diametrum habentes, succosae et grate acidae, ribe nigro multo acidiores, sed frequentiores.

Bibliographia

Ribis rubri flores

Fontes antiquiores

• 1330 : Hu Si-hui, Propria ad mensam Imperatoris principia (Paul D. Buell, Eugene N. Anderson, edd. et interprr., A Soup for the Qan: Chinese dietary medicine of the Mongol era as seen in Hu Szu-hui's Yin-shan cheng-yao [Londinii: Kegan Paul, 2000] pp. 378-379, 389)
• 1548 : William Turner, The Names of Herbes in Greke, Latin, Englishe, Duch and Frenche. Londinii: John Day, 1548 (appendix s.v. "Rhibes" apud Google Books) (Rhibes is called in duche saynte Iohans Treublin, and it is called in some places of Englande a Rasin tree)
• 1568 : William Turner, The First and Seconde Partes of the Herbal ... with the Third Parte. Coloniae Agrippinae: Birckman pars 3 pp. 62-63
• 1767 : L'Avantcoureur vol. 9 no. 10 (9 Martii 1767), no. 27 (6 Iulii 1767) (pp. 151-153, 422-424 apud Google Books) de primis popinis restaurativis; de confecturis Barrensibus
• 1806-1808 : Grimod de la Reynière et al., Almanach des gourmands vol. 4 (1806) circa p. 100 de confecturis Barrensibus; vol. 6 (1808) pp. 188-192

Eruditio

• Boban Djordjevic et al., "Predicting the yield of red currant (Ribes rubrum L.)" in Acta Horticulturae vol. 946 (2012) pp. 433-436