Quantum redactiones paginae "Lucius Mummius Achaicus" differant

Mummius anno [[153 a.C.n.|153]] [[praetor]] [[Hispania Ulterior|Hispaniae Ulteriotis]] feliciter contra Lusitanos pugnavit<ref>[[Appianus Alexandrinus]], ''Iberica'' 236-242</ref> et anno postero de eis triumphavit<ref>Appianus Alexandrinus, op.cit. 243</ref>. Anno [[146 a.C.n.]] consul una cum [[Gnaeus Cornelius Lentulus (consul 146 a.C.n.)|Gnaeo Cornelio Lentulo]] electus Corinthiis adversus Romanos rebellantibus, eorumque legatis iniuriam facientibus, conscripto exercitu, [[Corinthus|Corinthum]] profectus est<ref>[[Pausanias]] VII.15</ref>. Corinthii, veluti nihil negotii bello Romano suscepissent omnia neglexerant. Praedam, non proelium cogitantes, vehicula duxerant ad spolia Romanorum reportanda. Conjuges liberosque ad spectaculum certaminis in montibus posuerunt. Quam vecordiam celerrima poena consecuta est; nam proelio ante oculos suorum commisso caesi, lugubre his spectaculum et gravem luctus memoriam reliquerunt. Conjuges et liberi eorum de spectatoribus captivi facti praeda victorum fuere. Urbs ipsa Corinthus direpta primum, deinde tuba praecinente diruta est: populus omnis sub corona venditus; dux eorum victus domum refugit eamque incendit; conjugem interfecit, et in ignem praecipitavit; ipse veneno interiit<ref>[[Pausanias (scriptor)|Pausanias]], ''[[Descriptio Graeciae]]'' VII 16</ref>.