Quantum redactiones paginae "Franciscus-Iosephus Wuermeling" differant

'''Franciscus-Iosephus''' (Theod.: ''Franz-Josef'') '''Wuermeling''' (natus [[8 Novembris]] [[1900]] [[Berolinum|Berolini]], mortuus [[7 Martii]] [[1986]] [[Monasterium (Germania)|Monasterii]]) vir publicus [[Germania]]e et sodalis [[Christiana Democratica Unio Germaniae|Christianae Democraticae Unionis Germaniae]] erat.

 

Origo familiae [[Vestfalia]] erat. Pater minister publicus superior Berolinum venit et diu legatus senatus terrae [[Borussia]]e factionis [[Centrum|Centri]] erat. Anno [[1919]] praeses superior Vestfaliae Monasterii factus est. Franciscus-Iosephus ipse gymnasia Berolini atque Warburgi frequentabat atque [[1918]] maturitatem adeptus est. Tum brevi tempore [[Bellum Orbis Terrarum I|Bello Orbis Terrarum I]] miles interfuit. Deinde Monasterii, [[Hamburgum|Hamburgi]] atque [[Friburgum Brisgoviae|Friburgi Brisgoviae]] iurisprudentiae et oeconomiae studebat. Anno [[1921]] doctor rerum politicarum promotus anno [[1922]] primam, [[1925]] secundam probationem accepit atque ab anno [[1926]] minister publicus in administerio Borussiae rerum internarum laboravit. Annis [[1931]] - [[1938]] in administratione provinciae [[Cassala]]e laboravit. Deinde ab Nazistis propter sententias politicas suas munere solutus est. Tum ad usque annum [[1947]] pro fabrica bituminis basanitisque laboravit.

 

Wuermeling ab anno [[1945]] sodalis CDU factus est. Annis [[1946]] - [[1951]] Wuermeling legatus senatus terrae [[Rhenania-Palatinatus|Rhenaniae-Palatinatus]] fuit et annis [[1947]] - [[1949]] secreatarius statalis in administerio internarum rerum eius terrae. Eo anno primo legatus [[Dieta Foederalis Germaniae|Dietae Foederalis Germaniae]] electus est atque tum ad annum [[1951]] secretarii statalis munus in [[Officium Cancellarii Foederalis|Officio Cancellarii Foederalis]] [[Conradus Adenauer|Conrado Adenauer]] duce explevit. Post electionem secundam Dietae Foederalis [[20 Octobris]] [[1953]] [[Administer Foederalis Feminarum et Iuventutis|Administer Foederalis Familiarum]] nominatus est. Hoc officio ad [[11 Decembris]] [[1962]] fungebatur. Eo tempore legem tulit, qua familiis multorum liberorum ferroviaria minimo pretio uti permittebatur. Haec lex diu notissima fuit in Germania. Ad annum [[1969]] legatus Dietae Foederalis mansit.

 

 

{{Administri Foederales Familiarum, Feminarum, Iuventutis Seniorumque (Germania)}}

 

{{Lifetime|1900|1986|Wuermeling, Franciscus-Iosephus}}

[[Categoria:Participes Belli Orbis Terrarum I]]

[[Categoria:Alumni Universitatis Monasteriensis]]

[[Categoria:Alumni universitatis Hamburgi]]

[[Categoria:Legati Dietae Foederalis Germaniae]]

[[Categoria:Administri Foederales Feminarum et Iuventutis]]