Aperire sectionem principem
Sunspider.jpg
Solifuga in civitate Arizona

Subphylum : Chelicerata 
Classis : Arachnida 
Ordo : Solifugae 
Sundevall, 1833

Solifugae sunt ordo animalium classis Arachnidorum, qui plus mille species in 153 generibus contentas comprehendit. Solifugae propria et aranearum et scorpionum habere videntur, sed re vera sunt scorpionibus propinquiores. Corpus solifugae, sicut corpus araneae, duo tagmata habet: opisthosoma (abdomen) post prosoma (in modum capitis et thoracis coniunctorum). In parte anteriore prosomatis sunt duae chelicerae, quae in plurimis speciebus sunt insigniter magnae. Chelicerae sunt maxillarum instar et in multis speciebus ad stridulationem adhibentur. Solifugae scorpionibus eo dissimiles sunt, quod tertium tagma, hoc est caudam, non habent. Plurimae solifugae regiones siccas habitant et arthropoda terricolas aliaque parva animalia edunt. Maximae species ad longitudinem quindecim centimetrorum, cruribus inclusis, crescere possunt.

Nexus externiRecensere

  Situs scientifici:  • ITIS • NCBI • Biodiversity • Encyclopedia of Life • Fossilworks
  Vicimedia Communia plura habent quae ad Solifugas spectant.
  Vide Solifugas apud Vicispecies.