Sartaj Aziz

Sartaj Aziz seu litteris Perso-Arabicis سرتاج عزيز (natus die 7 Februarii 1929 in pago Mardan; mortuus die 2 Ianuarii 2024) fuit politicus internationalis et eruditus Pakistaniae.

E familia tribus Kakakhel populi Paštuni ortus, Sartaj Aziz alumnus est collegii Islamiae Lahorii in urbe et universitatis Harvardianae. Minister civicus ab agricultura ab anno 1984 usque ad 1988, senator inde usque in annum 1999 meruit. Eisdem annis ter minister a vectigalibus fuit, a die 7 Augusti 1990 ad 18 Aprilis 1993, breviter mense Iunio eiusdem anni, iterum a die 25 Februarii 1997 ad 6 Augusti 1998. A quo die minister a rebus externis meruit usque ad 12 Octobris 1999, primo ministro Nawaz Sharif. Deinde apud universitatem privatam Beaconhouse professor et cancellarius vicarius operam dedit. A die 7 Iunii 2013, Nawaz Sharif iterum primo ministro facto officiumque ministri a rebus externis assumente, Sartaj Aziz consiliarius a securitate nationali (usque ad diem 23 Octobris 2015) et consiliarius rerum externarum factus est.

Scripta

Nicolaus Cotzias minister rerum externarum Graeciae (ad sinistram partem) cum Sartaj Aziz anno 2016 pictus

Between Dreams and Realities: Some Milestones in Pakistan’s History. Karachi: Oxford University Press, 2009. ISBN 978-0-19-547718-4

Nexus externi

Vita apud ministerium rerum externarum

Ministri rerum externarum Pakistanenses


Liaquat Ali Khan 1947 • Mahometus Zafrullah Khan 1947 • Mahometus Ali Bogra 1954 • Hamidul Huq Choudhury 1955 • Feroz Khan Noon 1956 • Manzur Qadir 1958 • Mahometus Ali Bogra 1962 • Zulfikar Ali Bhutto 1963 • Syed Sharifuddin Pirzada 1966 • Mian Arshad Hussain 1968 • Yahya Khan 1969 • Zulfikar Ali Bhutto 1971 • Aziz Ahmed 1977 • Agha Shahi 1978 • Sahabzada Yaqub Khan 1982 • Farooq Leghari 1993 • Asif Ahmedus Ali 1993 • Gohar Ayub Khan 1997 • Sartaj Aziz 1998 • Abdul Sattar 1999 • Khurshid Mahmudus Kasuri 2002 • Sachus Mahmudus Qureshi 2008 • Hina Rabbani Khar 2011 • Sartaj Aziz consiliarius 2013 • Khawaja Asif 2017 • Khurram Dastgir Khan 2018 • Sachus Mahmudus Qureshi 2018 Opus geopoliticum • Ministri a rebus externis civitatum Asiaticarum hodiernarum Capsae cognatae: Primi ministri Pakistaniae