Sahel

Sahel vel Sahelia (Arabice ساحل, scilicet ripa. ora) est oecoregio et oecozona amplissima Africae, semidesertis et savannis operta. Inter Saharam et Sudaniam regionem (quae a Sudania civitate distinguenda est) sita est. Longitudo Sahelis 3900 chm ab Oceano Atlantico ad mare Erythraeum est, area 3 053 200 chm². Incolas circa 300 milliones habet.

Sahel in tabula Africae.

Per multas civitates Sahel extenditur: Mauritaniae, Maliae (vel Azavadiae), Nigritaniae, Tzadiae, et Sudaniae maximae partes in Sahele sitae sunt, sed etiam Senegaliae, Burkina Faso, Algerii, Nigeriae, Cammaruniae, Erythraeae terras aliquas Sahel occupat. Quinque civitates in foedus Pentas Sahelis nominatum inscriptae erant ab anno 2014 ad 2024: haec sunt Burkina Faso, Mauritania, Malia, Nigritania, Tzadia. Anno 2024 Burkina Faso, Malia et Nigritania Confoederationem civitatum Sahelis instituerunt.

Lacus Tzadia et Nigri fluminis delta interior in Sahele siti sunt.

Alta planities Bandiagara Maliae.

Oecologia

Flora

Plantae quae in Sahele gignuntur, sunt

• Acacia tortilis
• Acacia senegal
• Acacia laeta
• Aristida stipoides
• Boscia senegalensis
• Cenchrus biflorus
• Commiphora africana
• Faidherbia albida
• Balanites aegyptiaca
• Schoenefeldia gracilis

Sahel prope Tombutum.

Fauna

Animalia Sahelis sunt

• Acinonyx jubatus
• Alcelaphus busephalus buselaphus
• Balearica pavonina
• Eudorcas rufifrons
• Gazella dorcas
• Lamprotornis pulcher
• Lamprotornis caudatus
• Lycaon pictus
• Nanger dama
• Neotis nuba
• Oryx dammah
• Panthera leo
• Vulpes pallida

Nexus externi

Vicimedia Communia plura habent quae ad Saheliam spectant.

Situs geographici et historici: Locus: 14°28′29″N 13°30′42″E • GeoNames • Store norske Lexikon • Большая российская энциклопедия