Robbins Burling (natus Minneapoli Minnesotae die 18 Aprilis 1926) est linguista Americanus, qui professor anthropologiae sociolinguisticaeque meruit.

De vitaRecensere

Burling gradum baccalaureatum apud Universitatem Yalense anno 1950, doctoratumque in anthropologia apud Universitatem Harvardianam anno 1958 accepit. Socius docens in Universitate Harvardiana autumno anni 1953 docere coepit. Instructor in facultate anthropologiae in Universitate Pennsylvaniensi ab anno 1957 ad annum 1959 docebat, ubi professor anthropologiae adiutor annis ab 1959 ad 1963 factus est, quo tempore curator adiutor ethnologiae generalis in museo universitario merebat.

Anno academico ab 1959 ad 1960, lector visitans in facultate sociologiae et anthropologiae in Universitate Yangonensi in Birmania, subsidio a Programmate Fulbrightiano scholaribus alendis praebito. Professor socius anthropologiae et socius Instituti Studiorum Asianorum Meridianorum et Meridio-Orientalium in Universitate Michiganensi ab anno 1966 ad annum 1995 erat, ubi professor emeritus anthropologiae et linguisticae manet.

Burling a lingua, evolutione humana, et communicatione maxime tenetur. Investigationes anthropologicas et linguisticas late in Bangladesia et India fecit. Inter libros quos edidit sunt:

  • Garo Grammar (1961)
  • Hill Farms and Padi Fields: Life in Mainland Southeast Asia (1965)
  • Man's many voices: language in its cultural context (1970)
  • English in Black and White (1973)
  • The Passage of Power: Studies in Political Succession (1974)
  • Sounding Right (1982)
  • Learning a Field Language (1984)
  • Patterns of language: structure, variation, change (1992)
  • The Strong Women of Madhupur (1997)
  • Language of the Modhupur Mandi, Garo (2004)
  • The Talking Ape: How Language Evolved (2005)
  • Spellbound: untangling English spelling (2016)

Breves investigationum memorias in India divulgavit in Fieldwork in South Asia: memories, moments, and experiences, collectione ab aliis edita.[1]

Nonagesimo eius aetatis die natali, post acroasim plenariam apud octavum Societatis Linguisticae Indiae Septentrionalis et Orientalis congressum internationalem in Universitate Tezpur? Asamae in India habitam, ei praebitum est Language and Culture in Northeast India and Beyond, festschrift ab amicis academicis compositum.[2]

FamiliaRecensere

Studiis baccalureatis confectis, Sibyl (nata Straub) mox duxit, quae ei peperit tris liberos: Stephanum, Adelam, et Nono.

NotaeRecensere

  1. Chaudhuri et Chaudhuri 2014.
  2. Post, Morey, et Delancey 2015.

BibliographiaRecensere

  • Chaudhuri, Sarit K., et Sucheta Sen Chaudhuri, eds. 2014. Fieldwork in South Asia: memories, moments, and experiences. Dellii et Thousand Oaks: Sage Publications, 2014. ISBN 9788132117421.
  • Post, Mark W., Stephen Morey, et Scott Delancey, eds. 2015. Language and Culture in Northeast India and Beyond: In Honor of Robbins Burling. Canberrae: Asia-Pacific Linguistics, College of Asia and the Pacific, The Australian National University. ISBN 9781922185266 (liber impressus), ISBN 9781922185259 (ebook). PDF.

Nexus externiRecensere