Paulus Siu[1] (Sinice: 徐光啟 Xú Guāngqǐ sive Hsü Kuang-ch'i, natus die 24 Aprilis 1562, mortuus die 8 Novembris 1633), Sinicus scriptor, politicus, mathematicus, astronomus, interpres sub imperio domus Mim regnatricis. Nonnullorum a Christianis gentibus in Sinis missorum causa Evangelii propagandi virorum, sicut Matthaei Ricci ac Sabatini de Ursis, in amicitiam sese contulit, quibuscum multos qui ab occidentalibus scriptoribus proditi libros sermonem in Sinicum vertit, quorum praeclarissimus Euclidis Alexandrini Elementa. Ad fidem Catholicum conversus annos unum et quinquaginta natus haud parvam postea opem auxiliumque ecclesiae ea in terrarum orbis regione attulit, cuius rei gratia et vivans ab amicis societatis Iesu laudatus, qui eum “doctorem” vel ad tempus “nostrum Paulum” vocare solebant[1], et nostra aetate a Catholicis ut servus Dei memoratur[2].

Imago Pauli Siu

Pauli neptis Candida Siu discipula fuit Philippi Couplet ac praeclarissima Catholicae fidei patrona, quae et Apostola Sinica apud ecclesiam vocari solebat.

NotaeRecensere

  1. 1.0 1.1 Blue, Gregory (2001), "Xu Guangqi in the West: Early Jesuit Sources and the Construction of an Identity", in Catherine Jami; Peter Engelfriet; Gregory Blue, Statecraft & Intellectual Renewal in Late Ming China: The Cross-Cultural Synthesis of Xu Guangqi (1562–1633), Sinica Leidensia, Vol. 50, Leiden: Brill, pp. 19–71, ISBN 9004120580 .
  2. Praeparatio ad Beatificationem Servi Dei Pauli Siu (Sinice: “天主之仆”徐光启列品案筹备进程), e Dioecesi Catholica Sciamhaevensi.

Nexus interni