Paulus Dumerichius
Paulus Dumerichius[1] (natus Paul Dummrich die 28 Ianuarii 1527 Salinis Saxonicis, mortuus die 19 Iulii 1583 Erfordiae) magister philologiae et mathematicae Germanicus fuit.
Vita recensere
Dumerichius die 23 Aprilis 1543 in Universitate Leucorea immatriculatus est ubi inter magistros eius et Philippus Melanchthon ipse. Die 14 Augusti 1550 gradum academicum magistri adeptus in senatum facultatis philosophicae die 15 Iunii 1552 cooptatus est. In semestre hiemali annorum 1558/59 decanus creatus est, postquam scriptum unicum (et nunc exstans) divulgatum est.
Anno 1561 Erfordiam profectus a magistratu civitatis anno insequenti primus rector Gymnasii Senatorii modo conditi proclamatus est. Cui non solum primum curriculum instruxit sed etiam disciplinarum magistros disposuit. Hoc munus, exceptis annis inter 1571 et 1575, usque mortem explevit.
Inde ab anno 1564 studiosos dialecticam, ethicam et mathematicam in Universitate Hierana docuit, postea etiam Graecam linguam.
Ultimis annis autemvires eius gradatim minuebantur, ut in qualibet parte munerum suorum abstinere debuerit. Nuptias numquam contraxit; sepultus est in Fano Sancti Michaelis ubi postea epitaphium ei factum est.
Opera recensere
- De congressu Bononiensi Caroli Imperatoris et Clementis Pontificis oratio. Wittenbergae 1559 (hic in interreti)
Bibliographia recensere
- Johann Samuel Ersch, Johann Gottfried Gruber: Allgemeine Encyclopädie der Wissenschaften und Künste. Friedrich August Brockhaus, Lipsiae 1836, 1. Sektion, Teil 28, p. 275.
- Hermann Johann Christian Weissenborn: Hierana: I. II. – Beiträge zur Geschichte des Erfurtischen Gelehrtenschulwesens. Verlag Carl Villaret, Erfurt, 1862, p. 39 in interreti hic.
- Heinz Scheible, Corinna Schneider: Melanchthons Briefwechsel Band 11 Personen A-E. (MBW), frommann-holzboog Verlag, Stuttgart-Bad Cannstatt, 2003, ISBN 3-7728-2257-6, S. 372.
- Helmar Junghans: "Verzeichnis der Rektoren, Prorektoren, Dekane, Professoren und Schloßkirchenprediger der Leucorea vom Sommersemester 1536 bis zum Wintersemester 1574/75." Apud: Irene Dingel, Günther Wartenberg: Georg Major (1502–1574) – Ein Theologe der Wittenberger Reformation. Evangelische Verlagsanstalt, Lipsiae 2005, ISBN 3-374-02332-0.