Passamaquoddy

Passamaquoddy (Passamaquoddice Peskotomuhkati, pl. Peskotomuhkatiyi), vel populus Passamaquoddianus,^[1] sunt una ex nationibus indigenarum quae parvam Americae Septentrionalis boreorientalis partem incolunt, praecipue in Cenomannica et Novo Brunsvico. Regiones litorales secundum Sinum Fundianum^(en), Sinum Passamaquoddianum^(en), et Sinum Cenomanicae^(en) et secundum Flumen Sanctae Crucis et flumina influentia habitant. Hieme in locos mediterraneos ad venandum diffugebant; aestate autem in litore et insulis propinquis artius convenire solebant, ubi cibum marinum petebant, plerumque phocoenidas.^[2]

Etymologia

Nomen Passamaquoddy est peskotomuhkati in verbum Anglicum conversum, forma praenominis^[3] Peskotomuhkat (pestəmohkat), nominis quod sibi imponebant. Peskotomuhkat ad verbum significat 'qui pollachios hastá transfigit' vel 'qui locum habitant ubi pollachii abundant',^[4] momentum huius piscis monstrans.^[5] Ei piscibus hastá transfigendis, contra pisces hamo captos, piscabantur. Habuerunt ante adventum Europaeorum historiam solum oralem.

Passamaquoddy notabiles

Clayton Cleaves, gubernator tribalis
Maria Mitchell Gabriel, fabricator corbium, cui National Heritage Fellowship 1994 concessus est[2]
Clara Neptune Keezer, fabricator corbium, cui National Heritage Fellowship 2002 concessus est^[6]
David Moses Bridges, fabricator cymbarum corticis betulae
Simon Dumont, nartator modo libero
Donaldus Soctomah, politicus
Ieremia Frey, fabricator corbium
Ericus "Otter" Bacon, fabricator corbium corticis betulae et fraxini

Nexus interni

Primae Nationes

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ De ethnographia.
↑ Praenomina sunt linguistica linguarum Algonquianarum proprietas.
↑ Vincent O. Erickson, "Maliseet-Passamaquoddy," in Northeast, ed. Bruce G. Trigger, Handbook of North American Indians, ed. William C. Sturtevant, vol. 15 (Vasingtoniae: Smithsonian Institution, 1978), 135. Locus citatus in Lyle Campbell, American Indian Languages: The Historical Linguistics of Native America (Oxoniae: Oxford University Press, 1997), 401.
↑ Maliseet - Passamaquoddy Dictionary.
↑ [1]

Bibliographia

Anderson, Peter. 1985. Commentarius. The Boston Globe Magazine, 27 Octobris.
Fewkes, J. Walter. 1890. Contribution to Passamaquoddy Folk-Lore. Journal of American Folk-Lore, October-December.
Indian Township Reservation and Passamaquoddy Trust Land, Maine. United States Census Bureau.