Novitius (poema)

Novitius^[1] vel Mtsyri (Russice Мцыри^[2]) est poema Michaelis Lermontov anno 1839 dimetro iambico (vel, si melius dicendum sit, iambo quadrupede) composita et anno 1840 in collectione carminum Lermontovii primum edita.

Fabula

Puer parvus e gente quadam Caucasica parentibus occisis ab Alexio Ermolov avectus est; sed morbo acri pueri Ermolov in monasterio Crucis^[3] Georgiano notissimo eum relinquere coactus est. Ibi a sene quodam monacho magna cum diligentia curatus est et educatus, ut monasterii novitius. Cum adultus iam vota monastica plena laturus esset, e monasterio disparuit. Post tres dies monachi eum prope monasterium sine sensu iacentem in silva inveniunt. Nemini iuvenis respondere voluerat, quid ei accidisset, sed seni praeceptori suo denique enarravit, ubi esset.

Taeduit eum vitae monasticae, nam pueritiam et terram natalem non oblitus est et reverti voluit. E monasterio fugit et montes Caucasi mirabatur; uno die virginem Georgianam pulcherrimam vidit, alio cum pardo montano pugnavit; pardum ligno acri occidit, sed et ipse vulnera gravia unguium eius fert. Silvam solam sine finibus viderat et tertio die intellegit se circulum fecisse et ad monasterium Crucis reverti, cum campanam eius tam sibi notam audivisset. Spem se unquam in patriam reverti perdit et sensus amisit. Nunc a vulneribus moriturus senem rogat sic se sepulturum esse, ut montes videat, et sperat se omnibus ignoscentem et benevolentem moriturum esse.

De prototypo

Ut prima vita Lermontovii a Paulo Viskovatov^(ru) composita dicit, Lermontov anno 1837 in monasterio Crucis monachum videbat, cuius origo et passiones et fuga et morbus similes Novitio Lermontoviano fuissent; haec a poeta ipso ficta esse videntur. Sed sine dubio Lermontov Petro Zacharov pictori Russico famoso familiaris erat, qui infans Tsetsenus vico natali depopulato parentibusque occisis iussu Alexii Ermolov nutritus et optime educatus esset.

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ Est vox Georgiana მწირი, novitius, litteris Russicis conscripta.
↑ Vulgo Dschwari prope Mtzchetam.

Nexus externi

Novitius in Encyclopaedia Lermontoviana
Vicifons
Versio Anglica

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[2] Est vox Georgiana მწირი, novitius, litteris Russicis conscripta.

[3] Vulgo Dschwari prope Mtzchetam.

[1]

[2]

[3]