Nicolaus Antonius Virgilio
Nicolaus Antonius Virgilio (natus Nicholas Anthony Virgilio Camdeni Novae Caesareae die 28 Iunii 1928; mortuus 3 Ianuarii 1989) fuit poeta haicuisticus Americanus qui Iaponicum poesis genus in Civitatibus Foederatis promovere solebat.
Virgilio fuit primus e tribus filiis Antonii Virgilio, violinista eruditi, et Rosae (Rose) Alemi, sarcinatricis. Adolevit Fairview in suburbio ubi plerumque eius vitae habitavit. In Classi Civitatum Foederatarum bello mundano secundo meruit, et gradum baccalaureatum in Universitate Temple Philadelphiae accepit, ubi hostis radiophonicus et disc jockey nomine "Nickaphonic Nick" ('Nico Nicaphonicus') fuit.
In haicu anno 1962 incidit in libro quem in bibliotheca Rutgers University-Camden invenit. Eius primum haicu prolatum in American Haiku magazina anno 1963 apparuit, ac nonnulla milia composuit, quorum multa non divulgata sunt.[1] Haicu scribere solebat ut "realia attingat."[2][3]
Infarctu cordis die 3 Ianuarii 1989 mortuus est cum colloquium interrogatorium de haicu pro CBS News Nightwatch programmate televisifico faceret. Corpus in sepulcreto Harleighiano Camdeni sepultum est.[4] "Lily," eius haicu fortasse notissimum, in eius monumento caelatum est:
Notae
recensere- ↑ Nick Virgilio's Uncollected Haiku in the Nick Virgilio Poetry Project.
- ↑ Anglice "to get in touch with the real."
- ↑ Van den Heuvel 1999: xi.
- ↑ Campbell 1991: 801.
- ↑ Sic lily, vocabulum Anglicum, ad verbum conversum, sed significatio in contextu una e nymphaeaceis (Anglice water lilies) fortasse videtur.
Bibliographia
recensere- Trumbull, Charles. 2005. The American Haiku Movement: Part I: Haiku in English. Modern Haiku 36:3.
- van den Heuvel, Cor, ed. 1999. The Haiku Anthology, ed. 3a. Norton. ISBN 0393321185.
Nexus externi
recensere- Campbell, Douglas A. 1991. MEMORIAL DEDICATED TO CAMDEN POET FRIENDS OF NICK VIRGILIO RAISED MONEY FOR THE MONUMENT. YESTERDAY THEY READ HAIKU AT HIS GRAVE. The Philadelphia Inquirer, 24 Iunii, p. B01.
- Doyle, Michael. "Essay on Nick Virgilio by Rev. Michael Doyle, pastor of Sacred Heart Church, Camden, NJ."
- Laudatio. 1989. Nick Virgilio, 60, Poet Known for His Haiku. New York Times, 5 Ianuarii.
- O'Toole, Kathleen, et Dwight Wilson. 1991. "A Life of the Poet," in Nicholas Virgilio Memorial Book.
- The Nick Virgilio Poetry Project. Rutgers University Camden Campus.
- Nicholas A. Virgilio Memorial Haiku Competition for Grades 7-12. Haiku Society of America.
- Nick Virgilio: A Life in Haiku. Turtle Light Press.