Neva Maior
Neva Maior[1] (Russice Большая Нева) est bracchium Nevae maximum in Petropoli. Insula Basilii duo bracchia Nevae principalia, Nevam Maiorem australem et Nevam Minorem borealem, dividit et Nevae Maioris ripa dextra est; ripa laeva est pars Admiraliatus. Nevae Maioris longitudo 3,5 chm est, latitudo a 200 ad 400 m, profunditas ad 12,8 m.
Canalis Admiraliatus Novi Nevam Maiorem cum Moika coniungit; Moika ipsa et Priažka bracchium eius in Nevam Maiorem se effunduntur.
Aedificia notiora, ad Nevam Maiorem constructa, sunt Bursa Petropolitana, Academia Scientiarum Petropolitana, Technophylacium[2], Duodecim collegia, Academia Artium Petropolitana, Palatium Menšikovii, Institutum Metalleutices (in insula Basilii); Admiraliatus Principalis, Eques aeneus et Senatus Synodusque (in ripa altera). Portus Petropolitanus ostio Nevae Maioris adiacet.
Duo pontes in Neva Maiore constructi sunt: pons Palatii in initio et pons Annuntiationis.
Notae
recensere- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ Kunstkammer, v. Michaelis Lomonosov Orationem de meteoris vi electrica ortis.
Nexus externi
recensere
|
Situs geographici et historici: Locus: 59°56′31″N 30°18′34″E, 59°55′7″N 30°14′24″E • GeoNames |