Natalia Naryškina

Natalia Cyrilli filia Naryškina (Russice Наталья Кирилловна Нарышкина), 22 Augusti^[1] anno 1651 Moscuae nata et die 25 Ianuarii^[2] anno 1694 ibidem mortua, fuit regina Moscoviae, Alexii Michaelis filii uxor secunda et Petri Magni mater.

Α Iacobo Reutenfels sic descripta est:

Natalia, utut patrium morem inviolatum semper teneat, alium tamen, quod innui liberalioris vitae tramitem videtur ingressa, dum genio et animo defoecatiore impulsa, heroice in omnibus et laete agere conatur. ... Femina floridis adhuc annis, statura proceriore, oculis nigris iisque prominulis, vultu iucundo, facie rotundiore, fronte ampla et exstante, pulchroque totius corporis tenore ac decentissima membrorum omnium symmetria, denique loquela suaviter sonora, et gestibus in omni actu valde gratiosis.^[3]

Praeter Petrum filias Nataliam et Theodoram (mox mortuam) habuit. Morbo cordis mortua est.

Notae

↑ Calendario Iuliano, scilicet 1 Septembris Gregoriano.
↑ Calendario Iuliano, scilicet 4 Februarii Gregoriano.
↑ Iacobi Reutenfels De rebus Muschoviticis ad serenissimum Magnum Hetruriae Ducem Cosmum tertium, 1672, p. 97.

Nexus externi

Lexica biographica: • Deutsche Biographie • Большая российская энциклопедия •

[1] Calendario Iuliano, scilicet 1 Septembris Gregoriano.

[2] Calendario Iuliano, scilicet 4 Februarii Gregoriano.

[3] Iacobi Reutenfels De rebus Muschoviticis ad serenissimum Magnum Hetruriae Ducem Cosmum tertium, 1672, p. 97.

[1]

[2]

[3]