Moormerland
Moormerland est commune Saxoniae Inferioris et pars Circuli Lerensis. Ad Moormerland vici Warsingsfehn (7607 incolae), Neermoor (4670), Veenhusen (3848), Jheringsfehn (2464), Oldersum (1565), Boekzetelerfehn (756), Hatshausen (571), Tergast (493), Rorichum (403), Terborg (116) atque Gandersum (89) pertinent. Sedes administrationis Warsingfehn est.
Moormerland
Locus: 53°19′11″N 7°25′22″E
Numerus incolarum: 24 055
Zona horaria: UTC+1, UTC+2
Situs interretialis
Nomen officiale: Moormerland
Gestio
Geographia
Regiones urbanae: Warsingsfehn, Neermoor, Veenhusen, Oldersum, Rorichum, Jheringsfehn, Hatshausen, Gandersum, Boekzetelerfehn, Terborg, Tergast
Tabula aut despectus
Historia recensere
Anno 1346 nomen Moormannerlande primo in actis descriptum est. Quod nomen "Terram virorum e palude" significat. Sed Gansersum vicus iam anno 1000 descriptus est[1]. Saeculo 14 haec regio maximis fluctibus affecta est. Praesertim anno 1362 fluctu magno maris pars agri futuri communis submersus est. Tum Moormerland regio pars Frisiae Orientalis fuit. Ab anno 1526 Reformatio cito accepta est. Annis 1744 - 1806 Moormerland ad Borussiam, deinde ad Nederlandiam, annis 1810 ad 1813 ad Primum Imperium Francicum pertinuit. Ab anno 1815 Moormerland Regno Hannoverano traditum est, quod anno 1866 a Borussia occupatum est. Iam anno 1854 Neermoor et Oldersum stationes ferroviariae conditae sunt. Ab anno 1885 Moormerland regio ad tres circulos pertinuit: partim ad circulum Emdae, partim ad circulum Aurich atque ultima pars ad circulum Lerensem. Anno 1932 - circulo Emda dissoluto - vici Oldersum, Gandersum, Tergast atque Rorichum ad circulum Lerensem transierunt, et ab anno 1946 vici regionis ad Saxoniam Inferiorem pertinent. Post Bellum Mundanum Secundum multi homines ex oriente Germaniae fugati in Moormerland novam patriam invenerunt. Anno 1973 vici supra dicti administrationem in commune unum se coniunxerunt. Sedes administrationis vicus maximus, sed non veterrimus, Warsingfehn factus est[2].
Nexus externi recensere
|
Vicimedia Communia plura habent quae ad Moormerland spectant. |