Michael Oldfield

Michael Oldfield, vulgo Mike Oldfield, natus Raedingae die 15 Maii 1953, est musicus Britannicus. Clarissimum manet adhuc hodie opus primum eius Tubular Bells (fere 'campanae tubulares' ) appellatum, cuius quaedam partes in pellicula horrifica The Exorcist audiuntur. Carmen notum eius est etiam Moonlight Shadow, quod a Margareta Reilly cantatur. Plerumque quidem musice eius voce humana caret, sed variis instrumentis abundat.

Oldfield anno 2006.

De vita et cursu musico

Oldfield iuvenis in nonnullis gregibus musicis interfuit, et aliquos annos musicam vulgarem cum Sally sorore cecinit. Tum iam musicam voce humana carentem composuit et ineuntibus annis 1970 opera sua officinis musicis praebebat, sed primum nulla officina musicen eius provulgare volebat. Tandem Semptembri mense anni 1971 Richardus Branson, qui officinam musicam condendam in animo volvebat, musicen Oldfield audivit et edere consensit Tubular Bells album eius, primum opus ab officina Virgin Records editum. Qua cum officina Oldfield operatus est usque ad annum 1991, donec discordiae causa eam reliquit.

Oldfield bis matrimonio coniunctus est et septem liberos habet ex tribus mulieribus. In compluribus nationibus habitavit: Maioricae et Ebusi in Hispania, in Principatu Monoeci, Angelopoli Californiae, atque in Helvetia. Constat eum anno 2009 in Bahamenses insulas immigrare decrevisse et domum suam Maioricae venum dedisse. Praeter Sally sororem etiam Terry frater eius musicus est, qui ambo in eisdem albis ac Michael cecinerunt.

Alba ab Oldfield edita

Oldfield citharā PRS Custom 24 canens.

• Tubular Bells (1973)
• Hergest Ridge (1974)
• Ommadawn (1975)
• Incantations (1978)
• Platinum (1979)
• QE2 (1980)
• Five Miles Out (1982)
• Crises (1983)
• Discovery (1984)
• The Killing Fields (1984)
• Islands (1987)
• Earth Moving (1989)
• Amarok (1990)
• Heaven's Open (1991)
• Tubular Bells II (1992)
• The Songs of Distant Earth (1994)
• Voyager (1996)
• Tubular Bells III (1998)
• Guitars (1999)
• The Millennium Bell (1999)
• Tr3s Lunas (2002)
• Tubular Bells 2003 (2003)
• Light + Shade (2005)
• Music of the Spheres (2008)
• Man on the Rocks (2014)
• Return to Ommadawn (2017)

Nexus externus

• Michaelis Oldfield pagina interretialis (Anglice, Francice, Hispanice, Germanice)