Michaël Boym

Michaël Petrus Boym (Polonice Michał Piotr Boym, Sinice 卜彌格 Bǔ Mígé; natus anno 1612; mortuus anno 1659) fuit missionarius Iesuita exploratorque Polonicus. In Sinis aliisque terris peregrinationes fecit et de eis commentarios nonnullos scripsit. Etiam primum lexicon inter linguam Sinicam et linguam Europaeam convertens scripsit.

Opus eius notissimum, Flora Sinensis, Vindobonae anno 1656 edita, animalia plantasque Sinarum describit. Textus plures composuit qui in opere Athanasii Kircheri, titulo China illustrata, comprehenduntur. Atlas geographicus a Boym delineatus, titulo Magni Cathay, quod olim Serica et modo Sinarum est monarchia, quindecim regnorum octodecim geographicae tabulae, usque adhuc ineditus, apud bibliothecam Vaticanam iacet (Borg. Cin. 531). Opus magnum, titulo Medicus Sinicus, quod post mortem auctoris libelli Specimen medicinae Sinicae et Clavis medica partim patefecerunt, magna parte ineditum manet.

Opera

Clavis medica ad Chinarum doctrinam de pulsibus, anno 1686 editoribus Andrea Cleyero et Philippo Copletio divulgata: titulus.

1654 : Briefve relation de la notable conversion des personnes royales et de l’estat de la religion chrestienne en la Chine. Lutetiae: Cramoisy editio 1696 apud Gallica
1656 : Flora Sinensis, fructus floresque humillime porrigens. Viennae Austriae: typis Matthaei Rictii
1682 (Andreas Cleyer, ed.) : Specimen medicinae Sinicae, sive Opuscula medica ad mentem Sinensium. Francofurti: sumptibus Joannis Petri Zubrodt
1686 (Andreas Cleyer, Philippus Copletius, edd.) : Clavis medica ad Chinarum doctrinam de pulsibus

Bibliographia

Pictura in Flora Sinensi: sciurus testudinem "viridium alarum" sequitur.

Robert Chabrié, Michel Boym, jésuite polonais, et la fin des Ming en Chine (1646-1662): contribution à l'histoire des missions. Lutetiae: Pierre Bossuet, 1933
Noël Golvers, "Michael Boym and Martino Martini: a contrastive portrait of two China missionaries and mapmakers" in Monumenta Serica vol. 59 (2011) pp. 259–271 JSTOR
Noël Golvers, "Two new letters from Michael Boym, SJ in Europe (1656; 1658), and the editorial dossier of his various European works on China" in Symbolae philologorum Posnaniensium Graecae et Latinae vol. 29 (2019) pp. 107-116
L. Carrington Goodrich, Boleslaw Szcześniak, "Michael Boym" in Dictionary of Ming Biography, 1368-1644 (Novi Eboraci: Columbia University Press, 1976)
Monika Miazek-Meczynska, "Chinese Christians fighting for the Ming Dynasty: a story of one embassy" in D. Van Overmeire, P. Ackerman, edd., About books, maps, songs and steles: the wording and teaching of the Christian faith in China (Lovanii, 2011) pp. 34-49
Monika Miazek-Meczynska, "Indipetae Boymianae On Boym’s Requests to the Jesuit General for a Missionary Appointment to China" in Monumenta Serica vol. 59 (2011) pp. 229-242
Monika Miazek-Meczynska, "The Miraculous Conversions at the Chinese Imperial Court Related by Michael Boym SI" in Aleksander W. Mikołajczak, Monika Miazek-Męczyńska, Rafał Dymczyk, edd., Boym et cetera (Posnaniae, 2015)
A. W. Mikołajczak, M. Miazek, edd., Studia Boymiana. Gniezno, 2004
D. E. Mungello, Curious Land: Jesuit Accommodation and the Origins of Sinology (Honolulu: University of Hawaii Press, 1988) pp. 138-142 (Paginae selectae apud Google Books)
Paul Pelliot, "Michael Boym" in T'oung Pao vol. 30 (1933) pp. 95–151 JSTOR
Walter Simon, "The Attribution to Michael Boym of Two Early Achievements of Western Sinology" in Asia Major n.s. vol. 7 (1959) pp. 165-169
Boleslaw Szcześniak, "The Atlas and Geographic Description of China: A Manuscript of Michael Boym (1612-1659)" in Journal of the American Oriental Society vol. 73 (1953) Textus; JSTOR
Boleslaw Szcześniak, "The Writings of Michael Boym" in Monumenta Serica vol. 14 (1949-1955) pp. 481-538 JSTOR

Nexus externi

Vicimedia Communia plura habent quae ad Michaëlem Boym spectant.

Cafraria [...] a patre Michaele Boym Polono missa Mozambico 1644 Ianuarii: commentarius Boym de Mozambico a Conrado Kokoszkiewicz transcriptus