Maria I (regina Portugalliae)
(Redirectum de Maria l (Regina Portugalliae))
Maria I (nata die 17 Decembris 1734 Olisipone, obiit die 20 Martii 1816 in urbe Rivi Ianuarii), interdum cognominibus Pia vel Insana appellata, fuit regina Portugalliae et Algarbiae[1] ab anno 1777 usque ad annum 1815, et inde ab anno 1815 exeunte usque ad mortem regina Coniuncti Portugalliae, Brasiliae et Algarbiae Regni. Fuit maxima natu e filiis regis Iosephi I eiusque uxoris Mariae Annae Victoriae. Maria cum progrediente aetate in insaniam incidisset, filius eius minimus natu, Ioannes, ab anno 1792 usque ad eius mortem officio regentis fungebatur.
![](http://upload.wikimedia.org/wikipedia/commons/thumb/4/4f/D._Maria_I%2C_Rainha_de_Portugal_-_Giuseppe_Troni%2C_atribu%C3%ADdo.png/220px-D._Maria_I%2C_Rainha_de_Portugal_-_Giuseppe_Troni%2C_atribu%C3%ADdo.png)