Flumen Mackenzie
(Redirectum de Mackenzie (flumen))
Flumen Mackenzie[1] est flumen in Territoriis septentrio-occidentalibus Canadae. Νomen Alexandri Mackenzie exploratoris Scotici cepit, qui anno 1789 ripas fluminis a meridie ad septentrionem investigavit. E Lacu servorum maiore prope Castellum Providentiae (Fort Providence) initium cepit. Circiter 1738 chiliometra patet et in Mare Beaufort Oceani Arctici effunditur. Per silvam borealem desertam et tundram aquas fert. Lacus Ursini magni aquas Flumen Ursinum maius in Mackenzie flumen affert; alii tributarii Liard, Flumen Rubrum Arcticum (Arctic Red River), Athabasca sunt.
 | |
| Longitudo | 1738 chm |
|---|---|
| Decursus aquae | 9700 m³/s |
| Area systematis | 1 805 200 chm² |
| Fons | Lacus servorum maior |
| Ostium | Mare Beaufort |
| Regio | Territoria septentrio-occidentalia (Canada) |
Vide etiam paginam discretivam: Mackenzie.
Notae
recensere- ↑ Catalogus plantarum ... quas collegit ... Carolus Koch Jenensis, in: Linnaea: ein Journal für die Botanik in ihrem ganzen Umfange, vol. 15, Salinis Saxonicis 1841 (p. 583 apud Google Books); Caroli Heinrich Monographie des Eléagnacées, 1909, p. 21. Vel melius Mackenzii flumen, cf. binomen Hedysarum mackenzii.
Anglice Mackenzie River, Francogallice Fleuve de Mackenzie, Dene Deh-Cho, Inuvialuktun Kuukpak. Nomina indigena ambo Flumen Magnum significant.
Nexus externi
recensere
|
Situs geographici et historici: Locus: 61°11′37″N 117°20′52″W, 69°11′52″N 135°1′19″W • OpenStreetMap • GeoNames • Store norske Lexikon • Большая российская энциклопедия |
|
Vicimedia Communia plura habent quae ad Mackenzie flumen spectant. |