Lynceus Samius

Vide etiam paginam fere homonymam: Lynceus (Argonauta).

Lynceus Samius (Graece Λυγκεὺς ὁ Σάμιος), saeculo IV a.C.n. natus in insula Samo Graeciae, fuit frater Duridis, discipulus Theophrasti et scriptor comoediarum, epistularum, anecdotorum in lingua Graeca. Epistulae ad Posidippum, Hippolochum, Apollodorum, Diagoram referuntur. In epistulis atque in commentatione De obsonio de cibo conviviisque saepe disseruit. Lynceus interdum in Deipnosophistis Athenaei, semel a Plutarcho, semel ab Harpocratione citatur; aliis auctoribus omnino ignotus est. Hippolochus autem, qui et ille discipulus Theophrasti fuit, Lynceo epistulam misit quae Convivium nuncupatur. Lynceus inter auctores Comoediae Novae numeratur, sed unum fragmentum tantum e comoedia Centauro servatur (Athenaeus, Deipnosophistae 131f) et in collectanea comicorum Atheniensium divulgari solet.

Fragmenta Lyncei Andreas Dalby anno 2000 primum collegit.

Bibliographia

• Andrew Dalby, "Lynceus and the anecdotists" in David Braund, John Wilkins, edd., Athenaeus and his world: reading Greek culture in the Roman Empire (Exoniae: University of Exeter Press, 2000) pp. 372-394
• Maria Rosaria Falivene, "At the table of kings. Lynceus, the brother of Douris, and his friends" in V. Naas, M. Simon, edd., De Samos à Rome: personnalité et influence de Douris (Lutetiae: Presses universitaires de Paris Ouest, 2015)
• Maria Paola Funaioli, "Linceo di Samo" in E. Cavallini, ed., Samo: storia, letteratura, scienza: atti delle Giornate di studio, Ravenna, 14-16 novembre 2002 (Pisis: Istituti Editoriali e Poligrafici Internazionali, 2004) pp. 197–208; situs venalis
• R. Kassel, C. Austin, edd., Poetae comici Graeci vol. 5 (Berolini: De Gruyter, 1986) pp. 616-617
• Massimiliano Ornaghi, "Linceo di Samo in Ateneo e Ateneo in Suda: casi di amplificazione della tradizione indiretta" in Quaderni del Dipartimento di Filologia Linguistica e Tradizione Classica "Augusto Rostagni" n.s. vol. 2 (2003) pp. 49-79