Lotophagi

Lotophagi sunt gens mythica nono carmine Odysseae memorata. Nam Ulixes postquam a Peloponnesi litoribus et promunturio Maleensi tempestate abactus est, ad fines Lotophagorum post novem navigationis dies adpulit. Gens mitis erat quae loto vescebatur et hunc cibum viatoribus libenter dare solebant. Cum vero animadvertit comites qui lotum comedissent patriae oblitos ibidem apud Lotophagos manere velle, tum Ulixes eos ad naves catenatos raptim reduxit atque properanter maris fluctibus sese rursus commisit.

Imago comitum Ulixis apud Lotophagos molliter dormientium in editione Emblematum Andreae Alciati (1621)

Multi putant lotum florem (versus 84ː οἲ τ' ἄνθινον εἶδαρ ἔδουσι) esse ab antiquis Aegyptiacis saepe depictum; sunt tamen diversae opiniones ut Victor Bérard qui Lotophagos palmarum comestores (versus 94ː μειληδέα καρπόν = "melleum fructum") in litore Africae fuisse credebat.

Fontes

• Odyssea IX.80-104.

Plura legere si cupis

• M. Dorie, "Les plantes magiques de l'Odyssée. Lotos et moly", Revue d'Histoire de la Pharmacie, 1967ː 573-584
• A. Foucaud, "Lotus et lotophages : un petit problème d'histoire grecque", Revue d'Histoire de la Pharmacie, 1962ː 422-424
• Alessandra Lukinovich, "Le cercle des douze étapes du voyage d'Ulysse aux confins du monde", GAIA. Revue interdisciplinaire sur la Grèce ancienne, 1998ː 9-26
• Duarte Mimoso-Ruiz, "Les voyageurs « tunisiens »", Horizons Maghrébins - Le droit à la mémoire, 2006ː 72-80
• M. Rousseaux, "Ulysse et les mangeurs de coquelicots", Bulletin de l'Association Guillaume Budé, 1971ː 333-351