Limen (sinus)
Limen (-enis, m.; de Graeco λιμήν)[1] est genus sinus marini vel lacunae, quod saepe in litoribus Ponti Euxini invenitur. Limen aream habet magnam, sed altitudinem minimam, et a mari lingua terrae aut baro continuo separatur. Multi (sed non omnes) limenes aestuaria fluviorum sunt; per limenes magnos limenem Tyraicum Tyras, per limenem Hypanicum Hypanis, per limenem Borysthenium Borysthenes, per limenem Miussicum[2] Mius fluvius, per limenem Ieiensem Rhombites Maior in mare effunduntur. Limen vel limenum systema maximum Putridum mare est, lingua terrae Arabatensi separatum; ab altera parte linguae Arabatensis limen Utliukensis[3] situs est.
Vide etiam paginam discretivam: Limen (discretiva).
Notae
recensere- ↑ M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. лиман.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Миусский лиман.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Утлюкский лиман.
Nexus externi
recensere- Limen in Britannica (Anglice)
- Limen in Lexico encyclopaedico Brockhaus et Efron (Russice)