Leonidas Audes
Leonidas vel saepius Leo Audes, Neograece Λεωνίδας seu Λέων Αυδής (natus in insula Corcyra anno 1937; mortuus Athenis anno 2000) fuit rerum politicarum peritus pro factione Communistica, senator Graeciae et consiliarius apud demum Athenarum.
Gudii Athenarum habitavit; causidicus meruit, praecipue de re operaria. Anno 1968 in exsilio missus est in insulam Sicinum iussu dictatorum. Pro factione Communistica ad senatum Graeciae anno 1996 electus est; anno insequenti dimissionem protulit ut ad concilium demi Athenarum se promoveret. Ibi ab anno 1998 dux factionis "Αγωνιστική Συνεργασία για την Αθήνα" meruit. Die 24 Septembris 2000 mortuus est.[1]
Forum in regione Metaxurgio Athenarum, inter vicos Μυλλέρου, Λεωνίδου, Γιατράκου et Κεραμεικού nuper stratum, die 3 Octobris 2003 ad honorem Leonis Audis appellatum est Πλατεία Λέοντος Αυδή.[2]
Notae
recensere- ↑ "«Εφυγε» ο Λεων. Αυδής[nexus deficit]" in Ριζοσπάστης (26 Sep. 2000); "Funeral of widely respected MP Avdis tomorrow" apud Macedonian Press Agency
- ↑ "Πλατεία Λέοντος Αυδή" (Ελευθεροτυπία, 3 Οκτωβρίου 2003)
Nexus externi
recensere- Λέων Αυδής: situs biographicus
- "Λέων Αυδής" apud blog Μεταξουργειο, Κεραμεικος
- Leon Avdis Appreciation Society apud Facebook