Itea (Phocis)

Itea (Neograece: Ιτέα, "salix") est urbicula et pristinus demus Phocidis in Graecia 5943 incolarum (status: 2010) ad Sinum Corinthium situs. Ab administratione reformata anno 2011 (vide: Libellus Callicratis) pars est Delphorum demi, cuius est "unitas popularis" (δημοτική ενότητα).

Itea (Phocis)

Res apud Vicidata repertae:

Civitas: Graecia
Locus: 38°25′58″N 22°25′34″E
Numerus incolarum: 4 303, 4 666, 4 438, 4 546, 4 627, 4 224, 4 362, 2 457

Gestio

Procuratio superior: Delphi, Commune of Itea

Geographia

Territoria finitima: Amphissa

Coniunctiones urbium

Urbes gemellae: Bialoquerca

Tabula aut despectus

Itea (Phocis): situs

Lage

Itea in septentrionali Sinus Corinthii litore et 15 chiliometris a Delphis in meridiem versus sita est. Ab oriente iacet Cirra, portus Delphorum antiquus, quae hodie est pars Iteae. Itea in fertilem planitiem Crisaeam diffunditur, cui est Graeciae olivetum maximum fere 500 000 olearum.

Historia

Itea anno 1830 condita mox portus mediae Graeciae maximi momenti facta est.

Die 17 Septembris anni 1827 Franciscus Abney Hastings, amicus Graecorum ("Philhellen") et praefectus classis Graecae, in propinquo sinu Salonae (i.e. Amphissae) navem ducis Turcarum oppressit atque classem eorum maxime minuit. Quae pugna fuit cardo Belli rerum novarum Graeci.

Cirra

Cirra, quae hodie ad Iteam pertinet, iam 3000 annos a.C.n. inhabitata erat. Sanctae Delphorum urbis portus et solus aditus fuit. Cirrae erant munitiones fortes et - secundum Pausaniam - templa atque statuae immenses. Cirra, ut putatur, terrae motu anni 740 deleta est.

Nexus externi

• Situs ad peregrinorum usum confectus
• Situs publicus