Italia Almirante Manzini

Italia Almirante Manzini (nata Tarenti die 4 Iunii 1890 et mortua Paulopoli die 16 Septembris 1941) fuit actrix theatralis atque cinematographica Italica.

Biographia

Italia Almirante filia actoris Michaelis Almirante atque atricis Uraniae Dell’Este erat. Pater Michael frater fuit Nuntii Almirante, qui pater moderatoris cinematographici Marii Almirante ac actorum Ernesti, Iacobi et Aloisii erat. Italia Almirante Manzini matrua viri politici Georgii Almirante, filius Marii, erat. Postea illa nupsit diurnarium et scriptorem Americum Manzini.

Italia Almirante munus theatri aetate iuvenile incepit et itinera in regiones Italiae et Americam meridionalem fecit. Anno 1911 illa curriculum cinematographicum suum incepit et protagonistas pelliculae Il poverello di Assisi (“Misellus Asisii”) facta est. Anno 1912 illa actrix pelliculae Sul sentiero della vipera (“Apud viam viperae”) et anno 1913 actrix pelliculae L’ombra del male (“Umbra mali”) fuit. Deinde Italia Almirante personam Sophonisbae in pellicula muta Cabiria, anno 1914 facta, tractavit: haec interpretatio claram actricem eam fecit. Inter annos 1916 et 1917 Italia pro officinis cinematographicis Latina Ars et Gladiator Film laboravit et postea, usque ad annum 1927, pro officinis cinematographicis Fert atque Alba Films laboravit.

Post interpretationem in pellicula La bellezza del mondo (“Pulchritudo mundi”) Italia Almirante Manzini curriculum cinematographicum suum confecit et curriculum theatri denuo incepit. Anno 1934 Italia Almirante Manzini postremum in pelliculam sonantem L’ultimo dei Bergerac ("Ultimus inter Bergerac") apparuit. Illa Brasiliam migravit et illic mortua est anno 1941, post morsum insecti venenati.

Cinematographia

1910 - Gerusalemme liberata
1911 - Il poverello di Assisi

1912 - Sul sentiero della vipera
1912 - La fuggitiva
1913 - L'ombra del male
1914 - Cabiria
1916 - L'amazzone macabra
1916 - Il cadavere scomparso
1917 - Voluttà di morte
1917 - La musa del pianto e quella del sorriso
1917 - La figlia della tempesta
1918 - Il matrimonio di Olimpia
1918 - Femmina - Femina
1920 - Hedda Gabler
1920 - L'innamorata
1921 - I tre amanti
1921 - La statua di carne
1926 - La bellezza del mondo
1934 - L'ultimo dei Bergerac

Bibliographia

Almirante, Pasquale, Da Pasquale a Giorgio Almirante. Storia di una famiglia d'arte, Venetiis, Marsilio, 2016.
Canova, Gianni, Dizionario del cinema, Mediolani, Garzanti, 2006.
Jandelli, Cristina, Le dive italiane del cinema muto, Panormi, L'epos editore, 2006.
Sellitti, Domenico, Le donne di Taranto. Sante, streghe, sirene e regine snella storia e nella leggenda di Taranto, Tarenti, 2006.

Nexus externi

Vicimedia Communia plura habent quae ad Italiam Almirante Manzini spectant.

De Italia Almirante Manzini in Indice Interretiali Pellicularum (Anglice)