Iosephus Greenberg

Iosephus Greenberg, vulgo Joseph Harold Greenberg, (Brooklyni natus die 28 Maii 1915; die 7 Maii 2001 Stanfordiae in California mortuus) fuit linguista Americanus familia Iudaica ortus. Universitatem Columbiae frequentavit, unde adiuvantibus Francisco Boas et Ruth Benedict ad universitatem Boreoccidentalem progressus est. Studia eius ibi direxit Melville Herskovitz, qui et ipse discipulus fuerat Boasianus. Greenberg deinde apud Yalenses studuit, mox apud Minnesotenses, et in alma matre Columbiana docuit, ubi Romanum Jakobson et Andream Martinet cognovit. Ab anno 1962 lector et professor in universitate Stanfordiensi fuit.

Greenberg multis operibus ad descriptionem et distributionem geneticam familiarum linguarum (praesertim Africanarum et Amerindarum) contulit, quae autem notiones etiamnunc aliquatenus controversae manent. Praeterea, magnus auctor hodiernae typologiae linguisticae habetur.

Scripta

1955 : Studies in African Linguistic Classification. Novo Portu: Compass
1957 : Essays in Linguistics. Chicagine: University of Chicago Press
1963 : The Languages of Africa. Bloomington: Indiana University Press; 2a ed., 1966; 3a ed., 1970
1963 (editor) : Universals of Language: Report of a Conference Held at Dobbs Ferry, New York, April 13–15, 1961. Cantabrigiae Mass.: MIT Press; 2a ed., 1966
1966 : Language Universals, with special reference to feature hierarchies. Hagae: Mouton
1978 (editor) : Universals of Human Language. Stanfordiae: Stanford University Press
1987 : Language in the Americas. Stanfordiae: Stanford University Press
1990 (Keith Denning, Suzanne Kemmer, edd.) : On Language: Selected Writings of Joseph H. Greenberg. Stanfordiae: Stanford University Press
2000–2002 : Indo-European and Its Closest Relatives: The Eurasiatic Language Family. 2 voll. Stanfordiae: Stanford University Press
2005 (William Croft, ed.) : Genetic Linguistics: essays on theory and method. Oxonii: Oxford University Press

William Croft, "Joseph Harold Greenberg," Language 77 (2001): 815–30 (recensio emendata)
Nicholas Wade, "What We All Spoke When the World Was Young" in New York Times, 1 Februarii 2000