Iohannes Dominicus Fuss

Iohannes Dominicus Fuss (natus in urbe Düren anno 1782, mortuus Leodii anno 1860) fuit poeta latinus et historicus natione Belga.

Inter meliores poetas Latinos quos Belgica saeculo XIX genuit numeratur. Multo melius latine utebatur quam aliis sermonibus modernis. Primum Parisiis incepit docere ut praeceptor filli comitis Ludovici Maximiliani Rigal, postea factus est professsor et rector Universitatis studiorum Leodiensis

Ille et Iohannes Baptista Camberlyn atque Iacobus Iosephus Deglimes sunt tres huius temporis meliores coaevi poetae in Belgica qui hac de causa Trias Poetica Belgica nuncupari queunt.

Scripta erudita

• 1812: translatio latina libri Iani Lydi de magistratibus romanis.
• 1820: Antiquitates Romanae, Leodii, 1820, 1826, 1836. Liber historicus latine scriptus.
• 1855: editio Placentii, Pugna porcorum.

Opus poeticum

Praecipue notus est in Belgica ut magnus poeta latinus

• 1822: Carmina latina, Coloniae Agrippinensis, 1822.
• 1837: Poëmata latina, Leodii, 1837.

Exemplar carminum

Nonnulla carmina poetarum modernorum in latinum vertit. Hic damus translationes quas Iohannes Dominicus Fuss dedit carminis Lamartine "De Lacu" atque Goethei "De rege Thules".

• Lacus Alphonsi de Lamartine:

Sic vocat pulsos nova semper ora,

Noxque non ulli remeanda; vasto

Nulla nos horam retinebit aevi

Anchora ponto!

O lacus, vernis reducem sub auris,

Rupe me solum, en, prope te sedentem;

Non venit caras, ut amabat, undas

Illa revisens.

• Rex Thules (e Fausto Goethei):

In Thule rex amavit

Fidus ad tumulum,

Moriens scyphum donavit

Cui pellex aureum.

Nil carius habebat,

Quovis in epulo,

Udoque hauriebat

Hunc semper oculo.

Mortisque jam futurus,

Regni urbes numerat,

Heredi nil demturus,

Scyphum sed nulli dat....

Bibliographia

• Eugenius De Seyn, Dictionnaire..., sub verbo.
• Alphonsus Le Roy, Biographie Nationale de Belgique, tomus VII.
• Christophorus Bertiau, Un "Ancien" dans l'arène des "Modernes" : l'œuvre de Jean-Dominique Fuss, auteur néo-latin (1782-1860), 2015 (thesis doctoralis promota apud Universitatem Liberam Bruxellarum promovente Professore Paulo Aron).

Nexus externi

• Carmina quaedam latina Iohannis Dominici Fuss
• Jean Dominique Fuss, Réflexions sur l'usage du latin moderne en poésie et sur le mérite des poètes latins modernes, Liège, 1829. (De usu linguae latinae modernae in arte poetica).