Innocentismus

Innocentismus (Russice Иннокентьевцы, Innokentevtsy), vel plenius Ecclesia Innocentista, est secta Christiana chiliastica et charismatica, quae saeculo XX ineunte a corpore principali ecclesiae Orthodoxae orientalis abscisa est. Ecclesia innocentista in Bessarabia, provincia Imperii Russici ab Innocentio (Inochenţie, nato Ioanne Levizor) monacho Dacoromano condita est; deinde in Unione Sovietica permansit et in Romaniam extensa est.

Innocentius Baltensis in photographemate suae aetatis.

Balta Ucrainae, origo Innocentismi.

Innocentistae, haeretici a sectis Orthodoxis habiti, se usitate in ecclesia clandestina ordinaverunt, et in partibus regionis Bessarabiae olim vigebant. Innocentius et sui persecuti sunt quia liberum amorem et alia praecepta controversa docere tradebantur, sed motus, insectationem Russicam superare tractans, ad se multos adsectatores enixos traxit, praecipue inter Romanianos. Duce autem mortuo, motus per secundum bellum mundanum obsolevit, permultique adsectatores ad Transnistriam deportati sunt. Motus, a regimine Sovietico per leges contra religionem latas et Gulag deportationes debilitatus, solum in parvis communibus in regione Bessarabia sitis—in Romania, Ucraina, et Republica Moldavica—superest.

Bibliographia

• Clay, J. Eugene Clay. 1998. Apocalypticism in the Russian Borderlands: Inochentie Levizor and His Moldovan Followers. Religion, State, and Society 26(3–4):251–263.
• Deletant, Dennis. 2006. Hitler's Forgotten Ally: Ion Antonescu and His Regime, Romania, 1940–1944. Londinii: Palgrave Macmillan. ISBN 1-4039-9341-6.
• Radu Ioanid. 2002. La Roumanie et la Shoah. Lutetiae: Maison des Sciences de l'homme. ISBN 2-7351-0921-6.
• Sanielevici, Henric. 1930. Supravieţuiri din mysterele dionysiace la ereticii din Basarabia. Viaţa Românească (11-12):84–122.
• Tănase, Laurenţiu D. 2008. Pluralisation religieuse et société en Roumanie. Bernae: Peter Lang. ISBN 978-3-03911-521-1.

Haec stipula ad religionem spectat. Amplifica, si potes!