Icarius Atticus

Icarius (Graece Ἰκάριος) fuit Atticae incola, pater Erigonae in mythologia Graeca. Pater et filia Bacchum peregrinum in domum receperunt, cenam eo praebuerunt vinumque donum nacti sunt. Icarius exinde in conviviis vinum protulit vicinis; qui ebrii pugnare coeperunt Icariumque hospitem occiderunt. Erigone a cane Maera conducta corpus patris repperit ibique sibi mortem intulit; Maera iuxta sepulchrum manens mortua est. Astronomi narrant Icarium inter stellis nomine "Bootes" videri, Erigonam nomine "Virgo", Maera nomine "Canis Minor" cuius oculus est Procyon.

Dionysus Icario vinum dat: vas Atticum c. 540/520 a.C.n. a pictore "The Affecter" ornatum (Museum Lupariense)

Fontes

• Eratosthenes, Erigone (carmen epicum deperditum)
• Hyginus mythographus, Astronomica poetica 2.4.2-6
• Lucianus, Colloquia deorum 18
• Nonnus, Dionysiaca 47.1-264
• Apollodori bibliotheca 3.14.7

Bibliographia

• Andrew Dalby, The Story of Bacchus (Londinii, 2005. ISBN 0714122556) pp. 83-90, 154
• Konstantinos Spanoudakis, "Icarius Jesus Christ? Dionysiac Passion and Biblical Narrative in Nonnus' Icarius Episode (Dion. 47, 1-264)" in Wiener Studien vol. 120 (2007) pp. 35-92