Formula:PaginaMensis/Iunii 2020

Petrus Imperator ab Andrea Matveev anno 1724/1725 pictus

Petrus I Alexii filius (Russice Пётр I Алексеевич; Moscuae natus die 9 Iunii 1672, Petropoli mortuus die 8 Februarii 1725), cognomento Magnus (Russice Великий), e domo regnatrice Romanovia, fuit Tzar et Magnus Dux Totius Russiae ab anno 1682 (annis 1682–1696 cum fratre suo Ioanne V), reformator terrae suae eminens, anno 1721 primus Imperator Imperii Russici ("Russorum Imperator") factus et titulo Patris Patriae dignatus.

Petrus fuit tzaris Alexii filius quem ex uxore altera Natalia Naryškina genuit. Alexius e muliere prima Maria Miloslavskaja quinque filios genuerat, quorum tres in pueritia mortui sunt; unus (Theodorus) patri breviter succedit sed die 7 Maii 1682 mortem obiit. Ultimo e filiis Mariae, Ioanne, corpore et mente invalido, Petrus annum decimum agens ad regnum vocatus est, favente imprimis familia Naryškin, abnuente familia Miloslavski et factione streltsy, scilicet militum pyrobolistarum …