Evaristus Ndayishimiye

Evaristus, vulgo Évariste Ndayishimiye (in communi Giheta anno 1968 natus) est politicus et dux exercituum Burundiae.

Evaristus Ndayishimiye

Res apud Vicidata repertae:

Nativitas: 17 Iunii 1968; Commune of Giheta
Patria: Burundia

Familia

Coniunx: Angeline Ndayishimiye

Alumnus est universitatis Burundiensis unde effugit anno 1995 propter caedes studentium Hutuensium (ad quam gentem pertinet). Sodalis atque mox ductor factus est Copiarum democratiae defendendae quae anno 2003 in factionem politicam conversae sunt, duce Petro Nkurunziza, praeside futuro, qui et ipse inter Hutuenses ab universitate eodem anno effugerat. Ndayishimiye his annis dux exercituum Burundiensium, deinde minister rerum internarum, mox consiliarius praesidis promotus est. Nkurunziza a praesidio decessurus anno 2018 successorem suum Ndayishimiye elegit; qui comitiis mense Maio 2020 habitis victor reportatus est, nonnullis de probitate enumerationis dubitantibus; Nkurunziza autem, non iam recesso, subito die 8 Iunii 2020 mortuo, curia constitutionalis Ndayishimiye post decem dies in officium praesidis rite induxit.

Bibliographia

• "Burundi’s outgoing president dies, possibly of covid-19" in The Economist (11 Iunii 2020) Situs venalis

Nexus externi

• "Qui est le général Evariste Ndayishimiye, le nouveau visage du régime burundais ?" (28 Ianuarii 2020) apud RTBF

Praesides Burundiae

Michael Micombero 1966 • Ioannes Baptista Bagaza 1976 • Petrus Buyoya 1987 • Melchior Ndadaye 1993 • Franciscus Ngeze 1993 • Silvia Kinigi 1993 • Cyprianus Ntaryamira 1994 • Sylvester Ntibantunganya 1994 • Petrus Buyoya 1996 • Domitianus Ndayizeye 2003 • Petrus Nkurunziza 2005 • Evaristus Ndayishimiye 2020 Opus geopoliticum • Duces civitatum Africanarum hodiernarum Capsae cognatae: Primi ministri Burundiae • Ministri rerum externarum Burundienses