Ericus Polz

Ericus Polz (Theodisce: Erich Polz) est iuvenis gregis canentium dux Austriacus, natus in Styria anno 1985, qui duarum canentium gregum principatum tenet quarum altera Societas Concentuum Vindobonensis (Wiener Konzertvereinigung), altera Modus XXI nuncupatur.

Filius viticolarum, iam a teneris unguiculis allectus musicae pulchritudine, constituit se, etiamsi parentium vestigia eum, vini expertum, ad viam vinitori stratam duci incitaverant, incitatum ac inflammatum musicae arte, de hac vitis cultorum via deflecturum, seque potius quam vinearum colendarum artis musicae studio totum daturum.

Cum nomen conservatorio Vindobonensi dedisset ut suum studium musicae arti impenderet, se egregii Georgi Marci, professoris magni nominis, tutelae commendabat. Laurea dein summa cum laude impetrata, in suam venit tutelam atque anno 2014 electus est dux Societatis Concentuum Vindobonensis (Wiener Konzertvereinigung).

Musicale gregis canentium regendae stipendium praeterea merebat apud canentium gregem a Gustavo Mahler nuncupatam (Gustav Mahler Jugendorchester). Ita evenit ut talibus fama notissimis ducibus adstaret quales Sir Colin Davis, David Afkham atque Daniele Gatti .

Anno 2013 condendam curavit propriam suam canentium gregem c.n. Modus XXI, quae constat ex symphoniacis quorum multi variis in canentium gregibus munere iam funguntur sicut apud canentium greges quae Theodisce Wiener Philharmoniker, Staatskapelle Dresden (Dresdae) et Bruckner Orchester Linz vocantur. Cum hac sua grege operam dat operibus non modo praeteritorum saeculorum verum etiam eis quae nostris temporibus conscribuntur.

Inde ab anno 2013 apud Ludos Tirolenses qui in oppidulo nomine Erl quotannis bis commituntur (Theodisce Tiroler Festpiele Erl) primum chori ducis munere fungebatur Ericus. Deinde anno 2014 aestate sua ope adstabat duci Gustavo Kuhn moderans Ricardi Wagner “Anuli Nibelungensis” meditationes. Quin etiam se ineuntis ludis coram publico ducem protulit. Ea quae secuta est hieme Ericus Polz invitatus est ut integrum illic regeret melodrama. Anno 2014 aestate munus exsecutus est Ricardi Wagner melodramatum regendorum quibus nomina “Cantores periti Norimbergenses” atque “Tristanus et Isolda”.

Habitat cum uxore atque filiolo Vindobonae.

Nexus externus

Eget haec commentatio nexum Wikidata. Quem adde si potes.