Domus Heinse

Domus Heinse (Theodisce: Heinse-Haus) inter antiquissimas domus urbis Langewiesen (Circulus Ilm) numerari potest. Invenitur in medio oppidi in via Ratsstraße 9.

Centrum culturale; ad sinistram vides transitum ad domum finitimam quae Domus fori appellatur, et ipsa locus publicus exhibitorius.

Descriptio

Domus natalis poetae Gulielmi Heinse, qui et theoriis suis de arte excellebat, multos annos stirpis Heinse habitaculo fuit. Inde a Septembri 1998 patet et civibus popularibus et peregrinis tamquam domus conventuum culturalis.

Cum anno 2008 restaurationes perfectae essent una cum contigua domo nomine Domus fori (Theodisce: Haus am Markt), mesaulum ad aedificia coniugenda addiderunt. Hodie tecta servantur in isto complexu sedes periegetica, bibliotheca, museum.

Musei partes

En themata rerum quas videris in museo semper expositionibus brevibus neglectis:

• de operibus porcellanicis fabricae Oscaris Schlegelmilch
• de oppidi historia
• de Gulielmo Heinse, poeta
• de Gulielmo Höpfinger, technico conductoreque
• de lagoenis caldariis quaestuosae societatis Thermos
• de apparatibus vitreis diutine in regione confectis necnon de thermometris

Nexus externi

• De Domo fori
• De expositione de Gulielmo Heinse
• De domu effectrice Schlegelmilch
• De domino Höpflinger
• De thermophoris
• De thermometris
• De oppidi historia