Dies Unitatis Populi

Dies Unitatis Populi (Russice День народного единства) est feria publica in Foederatione Russica (ab anno 2005), die 4 Novembris celebratur.

Historia

Haec feria instituta est in honorem liberationis Moscuae urbis e copiis occupantibus Polonicis Lituanicisque a vi armata Russica (cuius duces fuere Cosmas Minin et Demetrius Požarskij), quod eventum anno 1612 accidit. Dies 22 Octobris Calendarii Iuliani, cum evento illo connecta, ab anno 1649 (secundum decretum tzaris Alexii) ut feria publica in Russia ad annum 1917 celebrabatur. Saeculis vicesimo et vicesimo primo dies 22 Octobris Calendarii Iuliani cum die 4 Novembris Calendarii Gregoriani coincidit, idcirco dies 4 Novembris selecta est pro feria, anno 2005 in Foederatione Russica restaurata.

Vicimedia Communia plura habent quae ad Diem Unitatis Populi spectant.