Cerbera manghas

Cerbera manghas est parva arbor sempervirens litoralisque ad 12 metra alta, foliis nitidis, atroviridibus, alternis, ovoideis; floribus fragrantibus, corolla alba, tubulari, quinquelobata, circiter tres ad quinque centimetra lata, fauce rosea ad rubram; quinque staminibus, ovario superiori; fructibus ovatis, quinque ad decem centimetra longis, qui maturescentes rubescunt.

---

Plantae — Angiospermae

Eudicotyledones 
Asteridae 
Ordo : Gentianales 
Familia : Apocynaceae 
Genus : Cerbera 
Species : Cerbera manghas 
L.

   

Distributio

Cerbera manghas distributionem geographicam ab Insulis Seisellensibus in Oceano Indico ad Polynesiam Francicam in Oceano Pacifico habet. Litoralibus favet habitationibus, saepe in silvis mangalis congregata. Arbor in Havaios aliosque locos tropicos ut ornamentum introducta est.

Venenum

Folia fructusque cerberinum, valens cordi glycosidum continent, quod ab hominibus ingestum est venenosissimum. Homines antiqui suco arboris ad animalia venanda usi sunt. In Insulis Marchionis, homines fructum edere ut sibi mortem consciscerent habentur.

Mythologia

Propter semina venenosa, nomen generis de Cerbero deducitur, in mythologia Graeca nomine monstri, immanis trium capitum canis. In Madagascaria, semina ad homines regios venenandos adhibita sunt.

Nomina in variis linguis

• Indonesica, Malaica, Sundana: bintaro
• Madagascaria: samanta, tangena, tanguin
• Samoa: leva
• Tonga: toto
• Viti: vasa

Bibliographia

Vicimedia Communia plura habent quae ad Cerberam manghas spectant.

• Whistler, W. Arthur. 1996. Samoan Herbal Medicine. Honolulu: Isla Botanica. ISBN 0-9645426-2-5.