Caseus Parmensis

Caseus Parmensis (Italiane Parmigiano, rite Parmigiano-Reggiano) est nomen varietatis casei praeduri e lacte bubulo confecti qui in Italia iuxta urbem Parmam provenit. Hodie et in aliis civitatibus extra-Europaeis conficiuntur casei sub talibus nominibus (e.g. in Civitatibus Foederatis Parmesan; in Argentina Reggianito).

Quadra casei Parmensis (Parmigiano-Reggiano)

Historia

Confectio hodierna casei Parmigiano-Reggiano

Primus eorum qui nobis cognoscuntur Ioannes Boccacius caseum Parmensem laudavit in fabula quadam e libro Decamerone, anno fere 1350 vel paullo postea scripto; ibi enim terram Bengodi montemque fingit e caseo Parmensi factum. Saeculo 15 Bartholomaeus Platina Parmensem iuxta marceolinum ut caseos celeberrimos Italiae enumerat:

Duo sunt hodie casei genera in Italia quae de principatu contendunt, ut marceolinus (ita enim Hetrusci vocant quod mense Martio factus sit in Hetruria) et Parmensis in Cisalpinis, quem eundem maialem a mense Maio licet appellare (Platina, De honesta voluptate et valetudine, 1475).

Appellatio Originis Protecta

Feriae Parmigiano-Reggiano in urbe Mutina

Caseus sub nomine Parmigiano-Reggiano in civitatibus Europaeis venundatus in regione delimitata Italiae et in modis definitis fieri debet; ab anno 1996 appellationem in Europa protectam habet.

Bibliographia

• Lou DiPalo, Rachel Wharton, "Grana Padano and Parmigiano-Reggiano" in DiPalo's Guide to the Essential Foods of Italy (Novi Eboraci: Ballantine, 2014)
• Cherry Haigh, "Consorzio del Formaggio Parmigiano-Reggiano"; David Gibbons, "Parmigiano Reggiano" in Catherine Donnelly, ed., The Oxford Companion to Cheese (Novi Eboraci: Oxford University Press, 2016) pp. 186-187, 538-541
• "Parmesan" in Gillian Riley, The Oxford Companion to Italian Food (Oxonii: Oxford University Press, 2007) pp. 361-365
• Kees de Roest, The production of Parmigiano-Reggiano cheese : the force of an artisanal system in an industrialised world. Assen: Van Gorcum, 2000

Nexus externi

• Situs officialis (Italiane)
• Situs mercatorum
• Museum casei Parmigiano-Reggiano (Italiane)
• De appellationibus lacticiniis Italicis (Italiane, Anglice)
• De appellationibus lacticiniis Europaeis (Hispanice, Danice, Theodisce, Neograece, Anglice, Francogallice, Italiane, Batavice)
• Situs commercialis caseorum Parmesan et Vegetarian Parmesan in civitate Visconsinia confecti (Anglice)

Vicimedia Communia plura habent quae ad caseum Parmensem spectant (Parmesan cheese, Parmigiano Reggiano).

Lucunculus

Haec stipula ad alimentum spectat. Amplifica, si potes!