Caseus Castrensis
Caseus Castrensis,[1] seu Castriensis[2] Anglice Cheshire cheese (ˈtʃɛʃə ˈtʃi:z, scilicet "caseus comitatús Cestriae") est caseus densus et fissilis e lacte bubulo confectus. Qui caseus in comitatibus Cestria, Salopia et Staffordia Angliae, insuper Denbighshire et Flintshire Cambriae provenit; in urbe Deva vel Cestria venundatur, e cuius nomen Anglicum caseus idem apud Francicos Chester appellatus est.
Caseus Castrensis olim ope Galii veri coagulatus et colore flavo imbutus est; recentius ope bixae coloratur. Rarius et impraevisibiliter aerugosus provenit.
Historia
recensereCastrensis inter nomina veterrima caseorum Britannicorum enumeratur; primum (iuxta caseum Shropshire) Thomasso Muffet in libro de regimine cuius titulus est Health's Improvement anno circiter 1580 commemorat. Iam saeculo 12 ineunte Gulielmus Malmesburiensis in Gestis pontificum Anglorum sub rubrico dioeceseos Cestrensis boves et lacticinia huius comitatus laudat. Multi nomen casei Cheshire in libro de Wintonia reperi asseverant, sed falso.[3]
Notae
recensere- ↑ "Casei meliores ... ex Anglia Castrenses": Ioannes Christophorus Becmanus, Historia orbis terrarum (6a ed. 1707) (p. 423 apud Google Books)
- ↑ "Caseus ... Castriensis" (p. 134 apud Google Books)
- ↑ Andrew Dalby, Cheese: a global history (2009) pp. 23-25, 35
Bibliographia
recensere- Dominic Coyte, "Cheshire cheese (U.K.)" in Catherine Donnelly, ed., The Oxford Companion to Cheese (Novi Eboraci: Oxford University Press, 2016) pp. 161-162
- "Cheshire cheese" in Laura Mason, Catherine Brown, Traditional Foods of Britain: an inventory (Totnes: Prospect Books, 1999) pp. 120-121
- Ned Palmer, A cheesemonger's history of the British Isles (Londinii: Profile, 2019) pp. 153-188
Nexus externi
recensere- Cheshire cheese apud British Cheese Board
|
Vicimedia Communia plura habent quae ad Cheshire (caseus) spectant. |