Carolus Buonaparte

Carolus Buonaparte (natus 29 Martii 1746 Adiacii in Corsica; mortuus 24 Februarii 1785) Monspessulani pater Napoleonis Bonaparte imperatoris Francorum fuit.

Carolus Buonaparte

Vita

Maiores eius nobiles insulae Corsicae fuerunt. Carolus ab anno 1762 Pisis iurisprudentiae studebat. Sed iam anno 1764 studium reliquit, ut Laetitiam Ramolino in matrimonium duceret. Carolus his annis cum aliis pro libertate Corsicae contra Rempublicam Genuensem certavit. Anno 1768 Genua Corsicam Franciae vendidit et tunc patriae amantes contra huius milites pugnaverunt. Anno autem 1769 victi sunt et Carolus studio iurisprudentiae finito Adiacii iurisprudens laboravit. Praeterea legatus ad parlamentum Corsicae electus est et legationi interfuit, quae Lutetiam ad aulam Ludovici XVI venit, ut calamitates insulae referret. Morbo cancri vexatus Monspessulanum venit, ut sanaretur, sed frustra. In eadem urbe mortuus est.

Posteriores

Carolo et Laetitiae omnino XIII liberi fuerunt, quorum autem quinque infantes mortui sunt. Alii hi erant:

• Iosephus Bonaparte (1768-1844), rex Neapolis et postea Hispaniae
• Napoleo Bonaparte (1769-1821), imperator Francorum
• Lucianus Bonaparte (1775-1840)
• Eliza Bonaparte (1777-1820)
• Ludovicus Bonaparte, rex Hollandiae (1778-1846)
• Paulina Bonaparte (1780-1825)
• Carolina Bonaparte (1782-1839)
• Hieronymus Bonaparte (1784-1860), rex Westphaliae

Nexus externi

• Biographia apud europeanhistory.com (lingua Anglica)^{[nexus deficit]}
• Biographia apud napoleoniden.org (lingua Theodisca)^{[nexus deficit]}

Nexus interni

• Bonaparte (familia)