Candragupta Maurya

Candragupta Maurya (scriptura Devanagari चन्द्रगुप्तमौर्यः sed Graecis Romanisque nomine Sandrocottus notus; natus c. 345/340 a.C.n.) fuit imperator in India septentrionalis. Secundum Plutarchi "Vitam Alexandri" Candragupta iuvenis iuxta Indum flumen Alexandrum Macedonem incurrit eumque ad Indiam Gangeticam debellandam incitavit. Paullo postea Candragupta ipse anno 322 a.C.n. regnum conquisivit; conditor fuit igitur et Imperii Mauryani et familiae imperialis Mauryanae. Fuit pater Bindusarae, avus Asokae. Si traditionibus posterioribus fidem reponamus, minister Candraguptae fuit Cāṇakya qui agnomen Kauṭilya gesserit et Arthaśāstram et Nītiśāstram scripserit.

Statua Candraguptae Mauryae Dellii.

Fontes de vita et imperio Candraguptae

• Cāṇakya, Arthaśāstra (auctore et aevo incertis)
• Megasthenes, Indica (in fragmentis servata)
• Plutarchus, "Vita Alexandri" 62

Bibliographia

• Helmut Berve, Das Alexanderreich auf prosopographischer Grundlage (Monaci: Beck, 1926) i.696 (vol. 2 pp. 349-350)
• G. M. Bongard-Levin, Mauryan India. Novi Dellii: Sterling, 1985
• Dietmar Kienast, "Alexander und der Ganges" in Historia vol. 14 (1965) pp. 180-188
• Plaumann, "Sandrocottus" in Paulys Real-Enzyklopädie der classischen Altertumswissenschaft edd. G. Wissowa et alii (Stuttgart, 1893-1972 ~ ~) ser. 2 vol. 1 col. 2268
• W. W. Tarn, "Alexander and the Ganges" in Journal of Hellenic Studies vol. 43 (1923) pp. 93-101