Sandrocottus
(Redirectum de Candragupta Maurya)
Sandrocottus[1] (Magadho-Pracritice 𑀘𑀦𑁆𑀤𑀕𑀼𑀢𑁆𑀢 𑀫𑁄𑀭𑀻𑀬 Candagutta Morīya), Sanscritice Candragupta Maurya (scriptura Devanagari चन्द्रगुप्तमौर्य, natus c. 345/340 a.C.n.), fuit imperator in India septentrionalis. Secundum Plutarchi "Vitam Alexandri" Sandrocottus iuvenis iuxta Indum flumen Alexandrum Macedonem incurrit eumque ad Indiam Gangeticam debellandam incitavit. Paullo postea Sandrocottus ipse anno 322 a.C.n. regnum conquisivit; conditor fuit igitur et Imperii Mauryani et familiae imperialis Mauryanae. Fuit pater Bindusarae, avus Asokae. Si traditionibus posterioribus fidem reponamus, minister Sandrocotti fuit Cāṇakya qui agnomen Kauṭilya gesserit et Arthaśāstram et Nītiśāstram scripserit.
_(cropped).JPG)
Notae
recensere- ↑ Inter alia nomina a Graecis Romanisque scriptoribus data: Σανδράκοπτος Sandrákoptos (Sandracoptus); Σανδράκοττος Sandrákottos (Sandracottus), Ανδροκόττος Androkóttos (Androcottus). De hac re vide William Smith, Ed., A Dictionary of Greek and Roman biography and mythology sub nomine Sandrocotto.
Fontes de vita et imperio Sandrocotti
recensere- Cāṇakya, Arthaśāstra (auctore et aevo incertis)
- Megasthenes, Indica (in fragmentis servata)
- Plutarchus, "Vita Alexandri" 62
Bibliographia
recensere- Helmut Berve, Das Alexanderreich auf prosopographischer Grundlage (Monaci: Beck, 1926) i.696 (vol. 2 pp. 349-350)
- G. M. Bongard-Levin, Mauryan India. Novi Dellii: Sterling, 1985
- Dietmar Kienast, "Alexander und der Ganges" in Historia vol. 14 (1965) pp. 180-188
- Plaumann, "Sandrocottus" in Paulys Real-Enzyklopädie der classischen Altertumswissenschaft edd. G. Wissowa et alii (Stuttgart, 1893-1972 ~ ~) ser. 2 vol. 1 col. 2268
- W. W. Tarn, "Alexander and the Ganges" in Journal of Hellenic Studies vol. 43 (1923) pp. 93-101