Calesium

Calesium^[1] (Francogallice Calais) est urbs Franciae fere sexaginta septem milium incolarum (2021), in praefectura Freto Calisio et provincia Septentrione et Freto usque ad 2016 sita, hodie vero in Altis Franciae. Ad Fretum Gallicum, partem maris Britannici iacet. Navis traiectoria Calesium cum Dubre, urbe Anglica, coniungit. Nomen urbis a Caletis, populo Gallico, deducitur.^[2]

Vide etiam paginam discretivam: Calesium (discretiva).

Historica

Postquam apud Crécy Francogallos vicit Anglorum rex Eduardus III Calesios obsidere constituit qui fame ad deditionem coacti sunt. Die 4 Augusti 1347 ne omnes incolae ab irato rege occiderentur sex burgenses volentes, ut pactum erat, capite pedibusque nudis, laqueo circa colla ad suspendium iam posito, claves urbis victori tradiderunt. In fine tamen Eduardus illorum sex voluntariorum salutem reginae Philippae precibus condonavit. Ita Calesium Angliae regno adnexum est usque ad annum 1558. Quo anno die 8 Ianuarii Francogalli urbem a regina Maria I vi reciperarunt.

Incolae notabiles

Calesii curia municipalis cum belfredo suo

Gerardus Debreu, oeconomiae peritus, hic natus
Yvonna Vendroux, Francici Praesidis Caroli De Gaulle uxor, hic nata
Desiderius Lockwood, iazensis musicus, hic natus

Notae

↑ Etiam Calaisiacum, Calasium, Caletum, inter alias formas. J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
↑ John Everett-Heath, "Calais", in The Concise Oxford Dictionary of World Place Names (Oxoniae: Oxford University Press, 2019).