Barnaulia

Barnaulia^[1], vulgo Barnaul^[2] (Russice: Барнаул), urbs est in Russia, metropolis territorii Altaici (Russice: Алтайский край, Altajskij kraj). Plus quam 631 milia incolarum habet (anno 2021).

Urbs illa sita est in Siberia occidentali, in ripa sinistra fluminis Obii. Eo loco in Obium influit amnis Barnaulka — ex appellatione amnis illius, olim Barnaul^[3] vocatae, nomen urbis genuit.

Barnaulia portum ad Obium fluvium, stationem ferriviariam et aeroportum habet.

Historia

Barnaulia condita est anno 1730 aut 1739 a negotiatore Demidov, et anno 1771 facta est urbs. Ab anno 1747 ad annum 1917, Barnaulia erat metropolis districtus Altaici (Russice: Алтайский округ, Altajskij okrug), propriae possessionis imperatoris Russiae.

Nunc Barnaulia est forum industriae, commercii, scientiae culturaeque Siberiae occidentalis. Ibi sunt officina, instituta educationis (e.g. Universitas Publica Altaica, Universitas Publica Paedagogica Altaica, Universitas Publica Technica Altaica, Universitas Publica Medica Altaica, etc.), musea et theatra.

Notae

Nexus externi

Vicimedia Communia plura habent quae ad Barnauliam spectant.

Situs geographici et historici: Locus: 53°21′24″N 83°47′14″E • GeoNames • Facebook Places • Большая российская энциклопедия

Pagina de Barnaulia Encyclopaediae Russicae Magnae (Russice)
Barnaulia (Russice)

[1] E. Laxmann, Minera argenti cornea chemice examinata et descripta // Novi commentarii Academiae Scientiarum Imperialis Petropolitanae, tomus XIX., p. 489; Pallas, Flora Rossica, tomi I. pars II., p. 186

[2] Caroli Friderici a Ledebour Flora Altaica, tomus I.; D.F.L. von Schlechtendal Eleagnacearum in Candollei prodromo (Vol. XIV.) expositarum adumbratio // Linnaea, Vol. XX., p. 341

[3] Ioannis Georgii Gmelin Flora Sibirica, tomus I., p. xxxii

[1]

[2]

[3]