Vita brevis, ars longa

(Redirectum de Ars longa, vita brevis)

Vita brevis, ars longa (saepe etiam "Ars longa, vita brevis") est sententia e primo aphorismo extracta in libris Aphorismorum Hippocrati adscriptis. Graece sonat Ὁ βίος βραχύς, ἡ δὲ τέχνη μακρή. Textu enim Graeco pleno aphorismus sic legitur:

Vitam brevem esse refert epigraphia ad murum castelli Stettinensis inscripta.
Ὁ βίος βραχύς, ἡ δὲ τέχνη μακρή, ὁ δὲ καιρὸς ὀξύς, ἡ δὲ πεῖρα σφαλερή, ἡ δὲ κρίσις χαλεπή.[1]

Latine primus omnium nobis cognitorum L. Annaeus Seneca citavit, qui sic oratione obliqua scripsit: "Inde illa maximi medicorum exclamatio est, vitam brevem esse, longam artem".[2] In versione corporis Hippocratici Latina aphorismus sic redditur:

Vita brevis, ars longa, occasio praeceps, experimentum periculosum, iudicium difficile.[3]

Anglice partim a Galfrido Chaucer versus est:

The lyf so short, the craft so long to lerne,
Th'assay so hard, so sharp the conquering.[4]

Theodisce prima verba ab Iohanne W. Goethe in ludo Faust reddita sunt:

Ach Gott! Die Kunst ist lang!
Und kurz ist unser Leben.[5]

NotaeRecensere

  1. Hippocrates, Aphorismi 1.1.
  2. Seneca, Dialogi 10.1.2
  3. Santorius, Commentaria in primam sectionem Aphorismorum Hippocratis (Venetiis, 1629) p. 15. Quartum saepe citatur ut ''experientia fallax''; e.g., ''The Aphorisms of Hippocrates, by Elias Marx, Novi Eboraci 1817, p. 28. (Textus apud Google Books)
  4. Galfridus Chaucer, The Parlement of Foules 1-3.
  5. Iohannes Wolfgang Goethe, Faust 1.558-559