Archaeobatrachia

Archaeobatrachia ('ranae priscae') sunt veterrimus Anurorum subordo in classe Amphibiorum. Ex anno 1993, cum a Mesobatrachiis rite divisa sunt, modo viginti novem species in quinque familiis (0.5 centesimae specierum Anurorum) pro Archaeobatrachiis habentur. Quamquam dudum compertum est Archaeobatrachia gradum paraphyleticum, non cladum esse, nomen subordinis in usu manet.

---

Animalia — Chordata

Classis : Amphibia 
Ordo : Anura 
Subordo : Archaeobatrachia 
Reig, 1958

   

Palaeontologia

200–0 m.a.: Iurassicum inferius > Recens

pЄ

Є

O

S

D

C

P

T

I

K

pg

n

Subdivisiones: Familiae

Ascaphidae
Leiopelmatidae
Bombinatoridae
Alytidae
Discoglossidae

Forma

Divisio Anurorum in "priscas", "medias" (Mesobatrachia), et "novas" ranas (Neobatrachia) praecipue in anatomia constat, maxime in structura ossium. Notae diversae olim propriae subordinis dictae sunt. De singulis haec proferri possunt:

"Amphicoela"

Ascaphidae Americae Septentrionalis et Leiopelmatidae Novae Zelandiae olim in subordine Amphicoelis seponebantur. Hae solae Anurorum exstantium novem vertebras liberas habent (nam aliis pauciores sunt) et amphicoelas, id est ambobus lateribus concavas, discis cartilaginosis interpositis. Costas quoque liberas, nec cum processibus transversalibus vertebrarum concretas, habent, quae in plerisque aliis Anuris aetate adulta desunt.

Discoglossoidea

Haec superfamilia octo vertebras praesacrales opisthocoelas (id est, pone concavas), arcibus neuralibus inter se superpositis; costas liberas in praesacralibus secunda, tertia, et quarta; cingulum thoracicum mobile sternumque cartilaginosum; dentesque in ore habet. Pupillae formam guttae aut cordis habere aut verticaliter productae esse possunt. Amplexus maris et feminae inguinalis est. Ranunculis est medio ventri unum spiraculum.