Alexius Archippi filius Leonov (Russice Алексей Архипович Леонов, tr. Aleksej Archipovič Leonov; in pago Listvjanka nunc regionis Kemerovensis natus die 30 Maii 1934, Moscuae mortuus die 11 Octobris 2019), cosmonauta Sovieticus, fuit primus qui actiones extravehiculares in spatio cosmico perfecit. Bis (annis 1965 et 1975) titulo Herois Unionis Sovieticae, Praemio Publico URSS (anno 1981) nonnullisque aliis lauris ornatus est. Etiam notus est ut pictor et auctor nonnullorum librorum.

Wikidata Alexius Leonov
Res apud Vicidata repertae:
Alexius Leonov: imago
Alexius Leonov: imago
Alexius Leonov: subscriptio
Alexius Leonov: subscriptio
Nativitas: 30 Maii 1934; Listvyanka
Obitus: 11 Octobris 2019; Burdenko Hospital
Patria: Unio Sovietica, Russia

Familia

Coniunx: Svetlana Pavlovna Dozenko

Memoria

Sepultura: Federal Military Memorial Cemetery
Alexius Leonov
Cosmonautae Russici anno 1965 picti: proximi a sinistra parte Vladimirus Komarov, Georgius Gagarin, Valentina Tereškova, Andrianus Nikolaev, Constantinus Feoktistov, Paulus Beljaev; imi a sinistra parte Alexius Leonov, Germanus Titov, Valerius Bykovskij, Boris Egorov, Paulus Popovič

Biographia recensere

Alexius Leonov, cuius munus militare anno 1953 incepit, anno 1955 in Schola Militari Navigationis Aereae Educationis Initialis Gubernatorum Aeroplanorum Decima in urbe Kremenčug (Kremenčuk) regionis Poltavensis et anno 1957 in Schola Militari Navigationis Aereae Gubernatorum Aeroplanorum in urbe Čuguev (Čuhujiv) regionis Charcoviensis RSS Ucrainicae studia sua complevit, gubernator aeroplani militaris factus.

Anno 1960 in caterva prima cosmonautarum Sovieticorum acceptus, 18 et 19 Martii 1965 cum Paulo Beljaev volatum cosmicum in astronave Voschod-2 fecit, quo tempore e nave sua in spatium cosmicum primus e hominibus exiit. Anno 1968 studia in Academia Militari Aerea Ingeniaria in honorem Nicolai Žukovskij vocata complevit. Diebus a 15 ad 21 Iulii anni 1965 ut praefectus astronavis Sojuz-19 cum Valerio Kubasov volatum suum secundum cosmicum fecit atque volatum communem cum Apollone, astronave Civitatum Foederatarum, perfecit.

Ab anno 1991 in dimissione erat.

Bibliographia recensere

Nexus externi recensere

  Vicimedia Communia plura habent quae ad Alexium Leonov spectant.
  Lexica biographica:  • Большая российская энциклопедия • Gran Enciclopèdia Catalana • Deutsche Biographie • Store norske leksikon
 

Haec stipula ad biographiam spectat. Amplifica, si potes!