Aino
Aino est persona ficta in Kalevala, carmine epico proprio Finniae. Est virgo puchra, soror Joukahainis, vatis Lapponici, quae in cantionibus III, IV, V Kalevalae apparet. Joukahainen a Väinämöine in certamine cantorum victus Ainonem illi nupturam pollicetur; cui autem virgini vates ille aetate provectus magnopere displicet. Itaque Aino curis anxia in mari submersa mortem sibi consciscit.
![](http://upload.wikimedia.org/wikipedia/commons/thumb/e/e5/Gallen_Kallela_The_Aino_Triptych-2.jpg/300px-Gallen_Kallela_The_Aino_Triptych-2.jpg)
Nomen Aino derivatum putatur ab adiectivo Finnico ainoa ('solus'),[1] quoniam in carminibus popularibus de aino sisko ('sola sorore') et aino tyttönen ('sola puellula') cantatur.
Notae
recensere- ↑ Kustaa Vilkuna. 1976. Etunimet. Otava.