Abd al-Laṭīf Rašīd
Abd al-Laṭīf Ǧamāl Rašīd, litteris Arabicis عبد اللطيف جمال رشيد, litteris Latinis nonnumquam Latif Rashid (Suleimaniae in urbe die 10 Augusti 1944 natus), e familia Curdica ortus, est politicus Iracae. Ab anno 2022 praeses Iracae meret.
Abd al-Laṭīf Rašīd.jpg)
In Cambria partim educatus, alumnus est universitatum Liverpoliensis et Mancuniensis in Anglia: hic arti ingeniariae studuit gradumque doctoris anno 1976 ascendit. Mox sodalis unionis patrioticae Curdistaniae fit et per multos annos in Britannia exsul habitabat: nihilominus breve temporis spatium apud universitatem Suleimaniensem docuit. In patriam post ruinam Saddami Husseini reditus, ab anno 2003 usque in 2010, tam sub obsidione Civitatum Foederatarum quam sub regimine praesidum Carduchorum, minister aquarum Iracae meruit, primis ministris Iyad Allawi, Ibrāhīm al-Ǧaʿfarī, Nūrī al-Mālikī, primo ministro vicario Barham Ṣāliḥ (qui sicut Latif Rashid in Cambria et Anglia eruditus erat).
Die 13 Octobris 2022 praeses Iracae a parlamento electus est. Primum ministrum Mahometum Shīāʿ al-Sūdānī, iam a coordinatoribus (ita dictis) selectum,[1] confirmavit.
Notae recensere
- ↑ "Coordination Framework nominate Mohammed Shia' Al Sudani as candidate for Iraqi prime minister" (25 Iulii 2022) apud PUKMedia
Bibliographia recensere
- "Après un an d'impasse, l'Irak a enfin un président et un Premier ministre désigné" in La Croix (13 Octobris 2022)
- "En Irak, le Parlement élit Abdel Latif Rachid président de la République" in Le Monde (13 Octobris 2022)
Nexus externi recensere
- "Abdel Latif Rashid": vita apud CIDOB: Barcelona Centre for International Affairs (Hispanice)
- Curriculum vitae; alibi; eadem res Arabice
- "السيرة الذاتية للسيد رئيس الوزراء والسادة أعضاء حكومته" (21 Maii 2006) apud Buratha News
- "Iraqi parliament elects Abdul Latif Rashid as new president" (13 Octobris 2022) apud Al-Jazeera
- "Iraq's new president Latif Rashid, veteran Kurdish politician" (13 Octobris 2022) apud RFI
 | ||||
Capsae cognatae: Primi ministri Iracae | ||||