Vinum Rupellanum
Vinum Rupellanum,[1] Francogallice vin de la Rochelle,[2] in agris urbi Rupellae circumiacentibus natum et per eandem urbem distributum, medio aevo celebrabatur. Tempore nostro minime provenit, sed proventus eiusdem fere regionis (nisi in spiritum Cognacensem destillantur) vinum Carantonense[3] (Charentais) appellatur.
A poëta Henrico de Andeliaco saeculo XIII ineunte in proelio vinorum ad mensam regis Francici Philippi II acto vinum Rupellanum potestatem suam his verbis iactitavisse praetenditur:
- Lors dist li vins de la Rocele:
- «Vous, Aussai, et vous, la Mousele,
- Se vous paissiez cele gent fiere,
- Je repais trestoute Engletiere,
- Bretons, Flamens, Normans, Englois,
- Et les Escos et les Irois,
- Norois et cels de Danemarche:
- Jusques la dure bien ma marche.
- Je sui des vins li sebelins,
- J’en aport toz les esterlins»
("Deinde dixit vinum Rupellanum: 'Si tu Alsatia tuque Mosella hanc gentem superbam [Germanicam] pascitis, ego vicissim Angliam omnem, Bretones, Flamengos, Normannos, Anglos, Scotos insuper et Hibernos, Norvegos Daniaeque incolas repasco: eo usque mercatus meus extendit. Zibellinus sum vinorum sterlingosque omnes apporto'").[4] Medio saeculo XIII Gulielmus de Rubruquis, iter suum per Asiam narrans, "vinum rubeum sicut vinum de Rupella" se bibisse ait.[5]
Notae recensere
- ↑ "[vina] Rupellana": Stephanus (1537)
- ↑ li vins de la Rocele: La Bataille des vins v. 116
- ↑ "[vina] Carantonensia ... Oleronensia ... Reacensia ... Santoniensia": Jean-Antoine-Claude Chaptal et al.; Iosephus Voltiggi, interpr., Tractatus de vitis cultura arteque parandi vinum. Viennae [i.e. Vindobonae] 1808 (vol. 1 pp. 150-151)
- ↑ La Bataille des vins vv. 116-122
- ↑ Gulielmus de Rubruquis, Itinerarium cap. 29.22
Bibliographia recensere
- Fontes antiquiores
- 1223/1224 : Henricus de Andeliaco, La Bataille des vins v. 18 et 116-122 (Alexandre Héron, Oeuvres de Henri d'Andeli, trouvère normand du 13e siècle [Rotomagi, 1880] pp. 23-30, 87-129) (vin d'Auni et de la Rocele)
- saec. XIII exeunte : La Desputoison du vin et de l'iaue (Achille Jubinal, ed., Nouveau recueil de contes, dits, fabliaux, et autres pièces inédites des XIIIe, XIVe et XVe siècles vol. 1 [Lutetiae, 1839] pp. 293-311
- 1537 : Carolus Stephanus, Vinetum (Parisiis) f. 72v
- 1600 : Olivier de Serres, Le Theatre d'agriculture et mesnage de champs (Lutetiae) p. 145 (vins-clerets de la Rochelle)
- Recentiora
- "Rochelle" in The Oxford English Dictionary (Oxonii: Clarendon Press, 1989. 20 voll.)
- Frédéric Zabalza, "Vendanges : Quand La Rochelle abreuvait l’Europe" in Sud Ouest (7 Octobris 2010)
Nexus externi recensere
- Véronique Raisin, "Le vignoble médiéval de La Rochelle" (7 Novembris 2011)