Vertebrae cervicales

Vertebrae cervicales^[1] sunt septem vertebrae regionum cervicalium, super quas cranium, sub quibus vertebrae thoracales. Quisque vertebra cervicalis numerum suum habet, videlicet C I—C VII^[1], C I proxima ad cranium, C VII a cranio distantissima.

Cave: notitiae huius paginae nec praescriptiones nec consilia medica sunt.

Vertebrae cervicales
Cognitores
TA	A02.2.02.001
Anatomia

Columna vertebralis cervicalis

Vertebra cervicalis prima atlas, secunda axis appellatur.

Non raro, imprimis provecta in aetate, vertebrae cervicales locus morborum degenerativorum sunt. Praeterea deformitates et traumata functionem columnae cervicalis dolorose inhibere possunt.

Contextus: Corpus, collum, columna vertebralis cervicalis

Vertebrae cervicales sunt partes ossea columnae vertebralis cervicalis. Columna vertebralis cervicalis ipsa est pars et columnae vertebralis superioris et colli. Collum ipsum est pars superior trunci corporis, quae truncum cum capite coniungit.

Anatomia macroscopica

Vertebra C₁ (atlas)

Conferatur pagina principalis Atlas (os).

Sub ossium aspectu vertebra cervicalis prima columnam vertebram cum cranii osse occipitali (occipite) connectit.

Vertebra C₂ (axis)

Conferatur pagina principalis Axis (os).

Vertebrae cervicali secundae conspicuus dens axis est, quo axis formatur, quae rotationem capitis dextrorsum sinistrorum permittit.

Vertebra C₇ (vertebra prominens)

Processus spinosus vertebrae cervicalis septimae conspicue longus apparet, ut facile in linea media posteriori (in dorsi medio), inter umeros animadverti potest.

Motus vertebrarum cervicalium

Summa omnium vertebrarum cervicalium est:

Flexio / Extensio: 80-90° / 0° / 70°
Rotatio (dextroversio, sinistroversio): 90° / 0° / 90°
Lateroflexio: 20-45° / 0° / 20-45°

Motus sane inter vertebras cervicales non uniformes distribuuntur:

Inter atlantem (C1) et occiput solum flexio et extensio observantur, flexio / extensio: 15-20° / 0° / 15-20°

Anatomia topograpica

Vertebrae cervicales relationes extrorsum ad praecipue diversa ligamenta et musculos, introrsum ad medullam spinalem, et inter se ad discos intervertebrales habent.

Mala et morbi vertebrarum cervicalium

Inter mala et morbi vertebrarum cervicalium deformitates et degeneratio et traumata occurrant.

Mala degenerativa (spondyloses)

Spondylosis cervicalis ad commutationem degenerativam cuiusvis causae refert. Saepe aegroti dolores colli queruntur^[2].

Pinacotheca

Cursus arteriae vertebralis trans processus transversos

Nexus interni

Notae

↑ ^1.0 ^1.1 Federative Committee on Anatomical Terminology, Terminologia Anatomica (Stutgardiae: Thieme, 1998).
↑ Binder A. I. (Mar 2007). "Cervical spondylosis and neck pain". BMJ 334 (7592): 527-31

Bibliographia

Waxenbaum J. A., Reddy V, Futterman B.: Anatomy, Back, Thoracic Vertebrae (StatPearls) (Anglice)

[FCAT-1] 1.0 ^1.1 Federative Committee on Anatomical Terminology, Terminologia Anatomica (Stutgardiae: Thieme, 1998).

[2] Binder A. I. (Mar 2007). "Cervical spondylosis and neck pain". BMJ 334 (7592): 527-31

[1]

[2]