"Veni, vidi, vici" sententia qua victoriae celeriter a Gaio Iulio Caesare partae memorantur, a Caesare ipso dicta. Suetonius enim inquit, ad annum 46 a.C.n. spectans: "Pontico triumpho inter pompae fercula trium verborum praetulit titulum "veni, vidi, vici" non acta belli significantem sicut ceteris, sed celeriter confecti notam".[1] Plutarchus eadem verba anno anteriore scripta adseverat de bello Pontico et de proelio iuxta Zelam facto anno 47 a.C.n. in epistula quam Caesar amico cuidam "Amantio" miserat[2] (fortasse re vera Gaio Matio[3]).

Tabula no. 9, Triumphorum Caesaris, ab Andrea Mantegna picta. Verba Veni, vidi, vici olim in signo legenda erant.
Exemplar eiusdem tabulae ab Andrea Andreani saeculo sexto decimo exeunte editum, ubi haec verba legi possunt.

Notae recensere

  1. Suetonius, De vita Caesarum "Divus Iulius" 37.
  2. Haec verba Graece ita sonantur: Ἦλθον, εἶδον, ἐνίκησα. Plutarchus, "Vita Iulii Caesaris" 50.
  3. Conrad Cichorius, Römische Studien. Historisches, Epigraphisches, Literaturgeschichtliches aus vier Jahrhunderten Roms (Lipsiae, 1922) p. 248.

Nexus interni