Tristichon catenatum

Tristichon catenatum^[1] (Italice terzina, terza rima) est forma strophica vel ordo rimarum, cum tristichi cuiuscumque versus primus et ultimus unam rimam habent, medius alteram, et haec altera est rima versus primi et ultimi tristichi sequentis. Sic quasi catena formatur, cuius anuli renodari nequeunt: aba bcb cdc ... Carmen tristichis catenatis compositum a linea sola finitur, quae rimam mediam tristichi ultimi habet: ... xyx yzy z.

Originis Italianae forma est et saepe tristichon Dantesianum appellatur, nam Divina comoedia Dantis sic scripta est. Dantes primus eo usus est, sed non ultimus; sunt in poesi Italiana et alia opera sic composita, in linguis ceteris praesertim versiones et imitationes Divinae comoediae.

Versus Divinae comoediae hendecasyllabus est, et paene semper tristicha catenata hendecasyllabica sunt, sed et exempla decasyllabica inveniuntur.

Notae

↑ Aemilius Springhetti^(d), Latinitas Perennis, VI: Lexicon Linguisticae et Philologiae, 1962, p. 648.

Nexus externi

De tristichis catenatis in Encyclopaedia dantesca (Italiane)
De tristichis catenatis in Encyclopaedia litterarum (Russice)

[1] Aemilius Springhetti^(d), Latinitas Perennis, VI: Lexicon Linguisticae et Philologiae, 1962, p. 648.

[1]